掃呢頁CODE去手機

2016年2月23日 星期二

【洗米風雲】有得掹?同洗米華赴宴合照 洗米嫂:繼續搞離婚 __,洗米華,陳慧玲,洗米嫂,周焯華,

噚日先傳出洗米嫂(陳慧玲)有俊男「翻版樂仔」WhyWong陪佢去韓國玩(新聞連結:http://bit.ly/20Se4YX),今日網上流出洗米嫂同洗米華嘅「破冰」合照,指洗米嫂噚晚出席澳門嘅太陽城春茗,同老公有一齊笑住咁影合照。據在場人士爆料:「噚晚洗米華先到現場,洗米嫂好遲先到,而且冇坐埋主家席,洗米嫂只係同大仔柏豪、老爺、家人坐喺隔籬張枱,初時佢哋兩個人全程冇溝通,到中場,港哥同港嫂(太陽城 ...


噚日先傳出洗米嫂(陳慧玲)有俊男「翻版樂仔」Why Wong陪佢去韓國玩(新聞連結:http://bit.ly/20Se4YX),今日網上流出洗米嫂同洗米華嘅「破冰」合照,指洗米嫂噚晚出席澳門嘅太陽城春茗,同老公有一齊笑住咁影合照。據在場人士爆料:「噚晚洗米華先到現場,洗米嫂好遲先到,而且冇坐埋主家席,洗米嫂只係同大仔柏豪、老爺、家人坐喺隔籬張枱,初時佢哋兩個人全程冇溝通,到中場,港哥同港嫂(太陽城第二大股東)專登拉洗米華過枱同老婆影相,初時場面都有啲尷尬,因為洗米華想挨埋老婆身邊影合照時,佢老婆刻意咁傾向另一邊影合照,後嚟港嫂夾硬叫其他人彈開,剩係佢兩公婆影合照,港嫂出到聲,佢哋都俾足面乖乖坐定定影相,之後洗米嫂即刻彈開去其他枱招呼朋友。」後來黃柏高(Paco)又好識做拉洗米嫂去主家席同老公一齊向在場賓客敬酒,洗米嫂本身都係太陽城股東,所以噚晚春茗佢先至答應出現,據知,性格剛烈嘅洗米嫂,對佢老公同Mandy Lieu經常晒恩愛,一直挑戰佢嘅底線終於忍唔到,去年底決定同老公離婚,但一心想享齊人福嘅洗米華,其實希望唔使同老婆離婚之餘,又可以繼續同Mandy保持現狀,但一再被老公傷透嘅洗米嫂,早已心死,洗米華就好想氹番掂老婆。《蘋果》問過洗米嫂,問佢係咪同老公破冰?佢直言:「破乜冰?我同佢繼續會搞離婚,呢樣唔會改變,不過唔做夫妻,唔代表要做仇人,佢始終係我兩個女嘅爸爸,以後我會當佢係互相關心嘅家人,因為老爺同大姑奶佢哋都好錫我,同佢哋嘅感情喺離婚後,都唔會有任何改變。」講到洗米嫂同遊韓國嘅Why係咪新追求者,佢笑笑話:「梗係唔係識咗好多年嘅朋友,老公都識佢。」

洗米華不時同Mandy晒恩愛。 早前《蘋果》發現洗米華婚戒轉咗,疑同Mandy戴婚戒。
噚日先傳出洗米嫂俊男阿Why陪遊韓國。 如何回到當時..... 日前洗米華同洗米嫂前後腳分開睇娜姐。
洗米嫂齊住囡囡睇!

鍾意就快D Share啦!