麥當娜心思思生剝Dancer奪吻
天后麥當娜在澳門新濠影滙綜藝館舉行一連兩場的世界巡唱澳門站，壓軸尾場昨晚圓滿結束，相比前晚足足早了52分鐘開騷！而前日率先抵達澳門的「亞洲麥當娜」、日本天后濱崎步，昨晚以超Deep V上陣晒湯碗胸，與麥當娜交鋒！
麥當娜昨晚完成澳門站演出，稍後時間乘坐私人飛機往菲律賓。
濱崎步以超Deep V造型亮相，為尾場升溫！
貝安琪悉心打扮到場。
諸葛紫岐（中）帶同旗下藝人捧場。
何傲兒
有粉絲以奇特造型捧場，出招引偶像注意！
鍾楚紅大讚麥當娜造型百變，驚喜連連！
蘇永康(左) 薛凱琪 黃偉文(右)
美國樂壇天后麥當娜（Madonna）昨晚繼續在澳門新濠影滙綜藝館開騷，為一連兩場的世界巡迴演唱會《Rebel Heart Tour－澳門站》壓軸尾場演出，吸引「紅姑」鍾楚紅、日本天后濱崎步、中國首富王健林太太林寧、Neway二太子薛嘉麟與老婆諸葛紫岐、薛凱琪、吳君如、何傲兒及前亞視大股東王征等捧場。據知，完成尾場後，麥當娜便乘坐私人飛機出發到菲律賓馬尼拉，繼續巡迴演唱會。
You better be singing!
前晚的澳門站首場演出，原定晚上8時開騷，最後遲足2小時30分，於10時30分才開始，令澳門成為港、澳、台、日四地中「最遲的演唱會」！而她昨晚「優待」尾場粉絲，較前晚早了52分鐘，於9時38分正式開場！開騷前，暖場DJ Mary Mac打頭陣問觀眾：「澳門準備好未？」其後麥當娜以一身紅黑日本武士造型亮相，在台上吊下來唱出第一首歌《Iconic》，並以英語向歌迷打招呼！唱至第6首歌《Body Shop》時，她與舞蹈員扮熱吻，又自爆最喜歡「Wet T-shirt Look」，並作狀叫男舞蹈員脫掉衣服，令全場尖叫！她表示不想講太多，想繼續唱歌，並邀請觀眾大合唱，唱至第7首歌時再高呼：「You better be singing!」
早前在日本錯過精彩演出的濱崎步今次隆重其事，前晚率先經香港到澳門準備睇騷，昨晚約8時亮相，隨行工作人員及保鏢一行二十人，盡顯天后地位！心情靚絕的她以超Deep V晒湯碗胸，現場約有近30名粉絲吶喊，高呼其暱稱「ayu」。
首次睇麥當娜演唱會的她坦言心情很緊張：「之前佢嚟日本開騷，我因為身在倫敦錯過咗，所以今次極度興奮！（鍾意佢啲乜？）難以形容，難以解釋！」提到她有「亞洲麥當娜」之稱，外界不時將她倆比較，起初她不明白問題，更反問：「Today？」其後才說：「係咩？我唔知，冇聽過，好榮幸！佢Keep住百變形象，好欣賞同尊敬佢！（想唔想上台？）睇吓（吸取經驗？）Why not？知道佢嘅演唱會好好玩，Have Fun！（會去After Party？）睇吓點先。」她又大讚麥當娜的音樂及形象夠全球化：「要做一個喺全球都有影響力嘅女性真係好難得，今晚我就可以喺新濠影滙綜藝館感受到一切可能，今次可以感受到全新嘅澳門！」
鍾楚紅最like造型百變
至於昨晚有份睇騷的鍾楚紅早前曾表示從沒想過可以近距離欣賞麥當娜的精彩演出，心情興奮：「新濠綜藝館嘅舞台設計，令我哋真係同麥當娜全接觸。其實之前我喺日本都睇過麥當娜，佢每次演出都好精彩，令人驚喜萬分，好欣賞佢嘅百變形象！」
採：名人組、外娛組
文：專案組
麥當娜昨晚完成澳門站演出，稍後時間乘坐私人飛機往菲律賓。
濱崎步以超Deep V造型亮相，為尾場升溫！
貝安琪悉心打扮到場。
諸葛紫岐（中）帶同旗下藝人捧場。
何傲兒
有粉絲以奇特造型捧場，出招引偶像注意！
鍾楚紅大讚麥當娜造型百變，驚喜連連！
蘇永康(左) 薛凱琪 黃偉文(右)
|
鍾意就快D Share啦！
|
|
|
