太陽娛樂文化老闆周焯華（洗米華）與老婆陳慧玲正在搞離婚，隨即就與Mandy Lieu母女同遊布吉預祝農曆年，有傳Mandy已再陀猴B仔4個月。前晚洗米華和Mandy帶囡囡周願在曼谷過情人節，Mandy與洗米華互攬時隱約見肚，據悉，Mandy之前更開P叫齊朋友見洗米華，實情有「開心事」分享，為兩年抱兩帶出玄機。
周焯華與女友Mandy Lieu去年12月在香港「世紀一拖」，即爆出他已辦離婚，三角關係漸趨明朗化。洗米華更顯得沒有顧慮，新年前與Mandy及8個月大B女，以一家人姿態同遊布吉，日前更傳出Mandy已再陀B有4個月，更指今胎陀仔，湊成一個「好」字。
「小米女」叫周願
以為爭米戰形勢緩和，卻傳出洗米華拒簽紙離婚，而Mandy又再傳有B，將會兩年抱兩，日日都有不同版本。本報昨日獨家獲讀者提供了數張洗米華及Mandy的私密旅行照，當中有二人攬實B女游水相，更有一幅是二人前晚在曼谷過情人節的合照，身穿黑色tube dress的Mandy與洗米華互攬，隱約見Mandy腹部微微隆起。另一幅則是Mandy身穿性感比堅尼抱起囡囡錫錫相，見她手腳纖瘦弗爆，肚現腹肌，上圍就明顯豐滿了不少。其實Mandy之前陀B女，即使懷胎6、7個月都沒見肚凸凸，故外形上實難以判斷她是否大肚。
據悉，洗米華日前先同Mandy母女遊布吉，之後再去東京陪家人過年，然後再在芭堤雅及曼谷會合Mandy，不過在曼谷一站，Mandy罕有請來一大班外籍朋友齊齊開P，明顯不再玩神秘，光明正大帶洗米華給朋友見。在大合照中，Ｍandy笑晒抱住B女，洗米華一手拎酒杯、啜爆囡囡，真有點「前世小情人」上身般肉緊。
洗米華與Mandy及B女一家三口私密照首度曝光，相中見B女手腳長長肥嘟嘟。B女被叫足「小米女」近9個月，其實洗米華一早已幫囡囡改了中文名，叫周願，代表一個好願的開始。
李月：有開心嘢
記者昨日致電Mandy的模特兒公司拍檔李月，她透露自己都有受邀請去曼谷玩，不過她因已計劃跟老公及兒子去新西蘭過年而未有出席：「我冇去到，佢有邀請公司朋友一齊去，一齊慶祝農曆新年，開心玩吓，佢好似有開心嘢一齊share慶祝。」問她有否向同事打聽Mandy有甚麼開心事，是否與之前傳Mandy陀B仔4個月有關？李月未有特別否認：「我都係等佢返嚟香港之後，等佢親自同我講乜開心事啦，如果真係喜事，佢會同大家分享，到時佢親自同大家講。」再問到Mandy是否下月回歸？她就表示：「𠵱家未知，佢時間好難定，我都等緊佢幾時會返嚟。」
採訪：森遜
|
鍾意就快D Share啦！
|
|
|