掃呢頁CODE去手機

2016年3月31日 星期四

同日同時同地 曾志偉約女撞到應 [壹週刊 - 1360] __,志偉,曾志偉,M1,

同呢位短髮女子飲完一轉,志偉再過枱,同另一紮髻四眼女子(左圖)邊食邊傾。同你吟一吟同日同時同地 曾志偉約女撞到應出名百足咁多爪嘅曾志偉,瓣數多,朋友更多;之不過,仇口亦一樣唔少!話說志偉其中一間公司「影市堂」,同范徐麗泰個仔范駿華,仲有邱德根細仔邱達根間「喜洋洋電影工作坊」,合作拍咗部《吉星高照2015》上舊年賀歲檔,但內地同香港票房都勁仆!原本係合作搵錢,但最終搞到要對簿公堂,志偉一方被指誤導, ...


同呢位短髮女子飲完一轉,志偉再過枱,同另一紮髻四眼女子(左圖)邊食邊傾。

同你吟一吟

同日同時同地 曾志偉約女撞到應

出名百足咁多爪嘅曾志偉,瓣數多,朋友更多;之不過,仇口亦一樣唔少!

話說志偉其中一間公司「影市堂」,同范徐麗泰個仔范駿華,仲有邱德根細仔邱達根間「喜洋洋電影工作坊」,合作拍咗部《吉星高照 2015》上舊年賀歲檔,但內地同香港票房都勁仆!

原本係合作搵錢,但最終搞到要對簿公堂,志偉一方被指誤導,被入稟告違約同誤導,要求索償 450萬。

有日《壹》仔喺又一城見到周身蟻嘅志偉,同兩名女子三點三,不過,唔係一齊坐,分兩枱,飲完一個過枱再同另一個飲,連 tea都要同日同地同時進行,有冇咁忙!

孭住單官司,對家又有財有勢,但志偉如常輕鬆。又係嘅,「影市堂」係有限公司,有乜事大不了執咗佢,唔使上身㗎!更何況獎門人身經百戰!

志偉同呢位四眼女子較好傾,遞手機俾對方睇相之餘,兩個亦同車走。

搭扶手電梯時,志偉嗌機叫司機 stand by。

拍住祖藍、 DaDa合作賀歲片《吉星高照 2015》,有手尾跟,志偉被另一投資者告違約。

撰文:八珍


鍾意就快D Share啦!