掃呢頁CODE去手機

2016年3月31日 星期四

片場煮飯 睇數管錢 林嘉欣挺夫一腳踢 [壹週刊 - 1360] __,嘉欣,李嘉欣,林嘉欣,鍾嘉欣,M1,

同老公袁劍偉首度合作拍戲,林嘉欣最驚喜是二人冇鬧交:「係超乎自己想像,初頭我喺度諗:如果嗌交點算呢?我唔想將工作情緒帶返屋企,唔好囉!點知一次都冇嘈過。可能我哋好清楚大家嘅角色,我好清楚自己係演員,個作品始終係導演嘅,我有提醒自己千祈唔可以過界。」探熱針片場煮飯 睇數管錢 林嘉欣挺夫一腳踢10年,林嘉欣遠走加國秘婚產女,回頭已是兩女之母的她,回勇重新上路,新作《暗色天堂》由廣告導演老公袁劍偉處男執 ...


同老公袁劍偉首度合作拍戲,林嘉欣最驚喜是二人冇鬧交:「係超乎自己想像,初頭我喺度諗:如果嗌交點算呢?我唔想將工作情緒帶返屋企,唔好囉!點知一次都冇嘈過。可能我哋好清楚大家嘅角色,我好清楚自己係演員,個作品始終係導演嘅,我有提醒自己千祈唔可以過界。」

探熱針

片場煮飯 睇數管錢 林嘉欣挺夫一腳踢

10年,林嘉欣遠走加國秘婚產女,回頭已是兩女之母的她,回勇重新上路,新作《暗色天堂》由廣告導演老公袁劍偉處男執導。林嘉欣埋位拍戲的同時,更在片場負責老公及拍檔張學友一日三餐。兩公婆一條心,成功入圍今屆金像獎,同張艾嘉、湯唯爭影后。

見番初戀情人

○二年攻香港影圈,林嘉欣一出道就做女一,處女作《男人四十》奪金像獎最佳女配角兼新演員,但幸福家庭是她的終身事業,嫁人生女,消失影圈幾年後,三十七歲林嘉欣去年憑復出作台灣片《百日告別》拿下金馬影后,今年再與舊拍檔張學友、林嘉欣老公袁劍偉執導兼編劇的新片《暗色天堂》,入圍第三十五屆香港電影金像獎影后。

十四年前初拍學友,一擊即中,今次再合作,林嘉欣說似見番初戀情人。「我同學友咁多年都好少見,但每次見到都好似見屋企人咁,可能因為佢見證我好多第一次:第一次拍 MV、拍戲,第一次拍接吻戲又係佢,對住佢好安全。(有冇重新過電?)拍嗰時實有嘅!戲入面佢係我上司兼教會牧師,一星期我見足呢個人六日,日久生情實有。(有冇初戀感覺?)係有刺激感覺,我發覺我哋好有默契。」

再富於經驗,演員都有機會因為太代入角色,無法抽離而愛上對手。「有咗小朋友一定得!以前返屋企自己面對四堵牆,容易鑽牛角尖或者沉溺喺某一個狀態,加上以前拍戲就係一切,會想盡辦法去 keep住個情緒。依家一開門兩隻馬騮就擒上嚟嗌:媽咪!咁你就會即刻平衡到,換轉以前,好危險。」

在《暗色天堂》裡,故事源於學友與嘉欣在車廂發生最具爭議性的一吻。十四年後再合作,二人演出更到位,最終不負眾望,雙雙提名今屆金像獎影帝和影后。

Pantry調情,含晒春食三文治,估唔到林嘉欣與學友兩位有家室人士做得咁好。

做埋煮飯婆

導演係自己老公,又是演員又是人妻的林嘉欣可同時投入兩個身份,在片場做埋煮飯婆。

「我冇呀!只係負責餐飲部,除咗老公,亦會照顧學友同攝影師個胃,拍戲好大壓力,我唔想佢哋得閒無事放啲零食入口,唔健康,所以咪自己煮囉!好辛苦㗎!拍拍吓戲一嗌 cut,我就要轉位去煮飯。其實都係家常餸啫,蒸肉餅、蒸蛋、咖喱牛肉呢啲。」

生完兩女,嘉欣攤抖了五年,去年復出拍台灣電影《百日告別》即奪金馬影后。嘉欣謙虛:「可能我冇乜包袱,自然冇咁大壓力,發揮空間大咗,冇以前咁死咕咕!」

02年嘉欣處女作《男人四十》,佢話當時其實表現好差,連喊都唔識,好彩學友一直教導,教到佢滴出眼淚為止。

袁劍偉(紅圈)原是讀電影編劇出身,早年他出任《勁歌金曲》導演,比老婆更早認識學友,比嘉欣同學友更 friend。在片場,眾人打成

一片。

幫手睇數

演員、煮飯婆,林嘉欣亦是半個監製,協助老公控制拍攝成本。

「成部戲我哋只係用咗二十一日去拍,《暗色天堂》始終係細型製作,冇太多錢。第一次做導演,佢冇其他作品俾人參考,所以老闆通常都會話:『俾住咁多先』作為佢太太,我今次參與得特別多。」

再戰影壇,林嘉欣知道家庭才是她的首位。

「我仲係好鍾意電影,不過一定要配合番屋企人時間表,譬如話盡可能一齊食早餐,送囡囡返學,一家人食晚飯,甚至乎氹佢哋瞓覺。其實心態唔同咗,講真,依家拍戲已經唔係想話要知名度、錢呀、獎呀,呢啲真係冇放在眼中。」林嘉欣說。

嘉欣同一般星爸媽唔同,她愛自由不愛催谷,前年 10月更帶大女去雨傘運動撐傘。

10年誕下大女 Kayla後,嘉欣曾打算定居加拿大。直至女兒約兩歲,嘉欣始帶她返港住。《蘋果日報》圖片

就算家中有請外傭,平日嘉欣都喜歡一腳踢自己湊,煮飯都不假手於人。

23年蛻變

93年在台灣出道做歌手的林嘉欣,包包臉、小酒窩,是不少男人心目中女神。由少女到人母,林嘉欣不變是甜到漏的笑容。

93年 蜜桃期

剛出道的嘉欣,一臉稚氣, baby fat與小酒窩散發少女味,好甜。

02年 發紅期

嘉欣初入影壇拍攝《男人四十》,在 02年的《香港電影金像獎》及《台灣金馬獎》上同時獲得「最佳新演員獎」及「最佳女配角獎」,嶄露頭角,發熱發亮。

05年 迷失期

拍戲量多咗,加上要兼顧廣告、活動等其他工作,令嘉欣踏入事業上的迷失期,由於壓力過大,令身材走樣,肥腫難分,為了尋回自己,嘉欣於 08年減產。

10年 發脹期

與廣告導演袁劍偉在加拿大秘婚,同年 10月誕下女兒 Kayla,暫別娛樂圈。已做人妻的嘉欣,大肚時剪了一頭齊蔭短髮,加上脹爆身形,是最肥的時候。

14年 未收身

13年 5月誕下次女 Sofie,休息近一年, 14年 6月為日本動畫片《輝耀姬物語》配音,尚未收身成功。翌年穿上透視娃娃裙出席「法國五月」開幕慶典,仲係好脹。

16年 回勇期

拍《暗色天堂》,狀態十足的嘉欣 fit到爆。

夫妻檔

娛樂圈有不少夫妻檔,在公在私都合作無間,關係重疊雖然易有拗撬,但只要槍口對外,便可事半功倍。

吳君如 陳可辛

拍拖 19年,二人未有公開承認已婚,但關係密不可分。吳君如 03年憑陳可辛監製的《金雞》成為金馬影后,之後二人繼續合作《金雞 2》以及《神經俠侶》,陳可辛更即場指導女友床戲。

郭羡妮 朱少杰

跟武指導演朱少杰合作內地劇《宮鎖玉心》而撻着的郭羡妮, 11年拉埋天窗生女,二人去年再合作《金玉瑤之一諾千金》,朱少杰更升呢做導演。

趙濤 賈樟柯

取得不少國際獎項的內地導演賈樟柯,跟演員老婆趙濤合作過不少電影, 00年,夫導婦演的《三峽好人》更奪得 63屆威尼斯國際電影節金獅獎,成績更上一層樓。

撰文、攝影、攝錄:娛樂組


鍾意就快D Share啦!