掃呢頁CODE去手機

2016年3月31日 星期四

喜兒美國有人照 林憶蓮安樂唱 [壹週刊 - 1360] __,憶蓮,林憶蓮,M1,

身兼個唱監製同投資者的林憶蓮,揼本搞燈效影像,opening企定定齋唱都不覺悶。娛樂偵訊喜兒美國有人照 林憶蓮安樂唱上週五(25/3),林憶蓮相隔四年再踏紅館,舉行一連四場「PRANAVA/造樂者世界巡迴演唱會」。同恭碩良拍拖接近五年,已是公認的另一半,今次開騷冇同男友合唱,只安排他做背後的男人,做鼓手。至於向來唔願見報的囡囡李喜兒,留守美國黐實讀國際學校時已拍拖的泰英法混血男友Joepreeda ...


身兼個唱監製同投資者的林憶蓮,揼本搞燈效影像, opening企定定齋唱都不覺悶。

娛樂偵訊

喜兒美國有人照 林憶蓮安樂唱

上週五( 25/3),林憶蓮相隔四年再踏紅館,舉行一連四場「 PRANAVA/造樂者世界巡迴演唱會」。同恭碩良拍拖接近五年,已是公認的另一半,今次開騷冇同男友合唱,只安排他做背後的男人,做鼓手。

至於向來唔願見報的囡囡李喜兒,留守美國黐實讀國際學校時已拍拖的泰英法混血男友 Joepreeda。對方一早見過家長,林憶蓮絕對放心。

作出讓步

緊貼宿敵陳慧嫻在三月開騷的林憶蓮,刻意同對方唱反調,除了個唱記者會,開騷前只接受了一本月刊訪問;慧嫻開騷場場有嘉賓,日日不同,憶蓮靠自己,企硬做獨腳戲,連一二年曾在「林憶蓮演唱會 Part II」 jam歌伴唱的男友恭碩良,今次只是在樂手席上,專心做鼓手。

喜歡比人走得更前的憶蓮,今次開騷揼本大搞視效,即使用《蓋亞》及《無言歌》兩首較冷門的歌打頭陣,一樣令觀眾睇到嘩嘩聲,反應理想。

經歷過一二年 part 2演唱會以《蓋亞》大碟的歌做主打,令歌迷怨聲四起;今次憶蓮稍作讓步,冷、熱、次熱作品,樣樣執啲。

演唱會第一節,唱到《為你我受冷風吹》中段,憶蓮開始失控爆喊,唱完成首歌都未能平復,要背住觀眾抹眼淚,搞到個妝花晒變熊貓,要化妝師衝上台搶救。事後她笑笑口說:「無諗過咁早就喊,突然間感情一湧……」

12年,男友恭碩良高調同憶蓮合唱,但今次只做鼓手。(《蘋果日報》圖片)

事隔四年再於紅館開演唱會,身在美國的喜兒冇蒲頭。

有勁歌冇熱舞

演唱會有兩部分快歌環節,講得出的首本名曲如《灰色》、《瘋了》、《傾斜》都榜上有名,由於跳舞重任全交由 dancers負責,憶蓮唔跳,差咁截!但有殺食舊歌補番數,連八十年代的《愛情 I Don't Know》、《 How Long Will I Love You》同《搖擺口紅》都唱,仲要搬番當年的唱法,歌迷激讚:「好似返咗去以前聽錄音帶年代。」

四年冇開騷,林粉反應熱烈,即使講明《至少還有你》是最後一首歌,唱完全場開晒燈,大家仲嗌 encore,唔捨得走。

唱完第一部分,林憶蓮已經爆喊變花面貓,要化妝師上台補妝。

年過半百,林憶蓮唱快歌唔跳舞,免得顧此失彼。

林憶蓮身上畫滿假紋身,但演唱會唱到一半已經甩色走樣。

沒有握手環節,林憶蓮主動走近同歌迷握手影合照。

陳慧嫻開騷場場不同嘉賓,其中一場有譚校長。

喜兒接受阿恭

林憶蓮囡囡李喜兒例唔見人!下個月滿十八歲的喜兒,一度因為媽咪同陳玉蓮前密友 Maisy(廣告界導演蔡美詩)玩埋而不滿,直至憶蓮同恭碩良姊弟戀,喜兒反而接受,同媽咪男友仔好 friend。

母女關係大為改善,但今次開騷,李喜兒繼續冇影。

「 Renee(李喜兒)細細個已經唔鍾意俾鏡頭隊住, Sandy就更加介意傳媒搞到佢個女,加上佢喺美國讀緊書,冇必要專登飛返嚟!」知情人說。

七月便滿 18歲的李喜兒,同拍拖四年的 Joepreeda感情穩定。

李喜兒男友亦不時在社交網上載二人親密照晒恩愛。

12年喜兒在香港讀國際學校時,已和泰英法混血 Joepreeda拍拖。

跟埋去美國

林憶蓮同恭碩良五年情打風都打唔甩,喜兒都一樣!同 Joepreeda的 puppy love一直未斷過。

在香港讀中學已開始拍拖,憶蓮為了解囡囡的男友,不時邀請對方一齊飯局,喜兒離港到美國讀書的餞行飯, Joepreeda都是座上客。未幾 Joepreeda亦去埋紐約升學,唔使分隔兩地。

不時同男友行孖咇的喜兒,亦愛在網上上載恩愛照,其中有張兩人攬到實的相,更得到林憶蓮俾 like讚好。

難得寶貝女有人幫眼睇實,林憶蓮安樂晒!

與恭碩良拍拖後,林憶蓮同喜兒的關係亦變好, 13年聖誕,三人結伴與喜兒的朋友食晚飯。

反叛的李喜兒曾被學校記大過,但與同學關係良好。

林憶蓮曾經同廣告導演 Maisy行埋,令母女的關係一度轉差。

網上洩密照

星二代得父母基因,好多都愈大愈省鏡,就算唔會跟星爸星媽出活動,亦愛在網上洩密照,讓外界跟進到成長過程。

苗彤(苗僑偉女)

鬼妹仔性格的苗彤身材惹火,不時在 fb上載比堅尼性感照及與男伴的親密照。 09年,流出三點式攬仔、劈酒私密相後,三哥即勒令女兒與韓籍男友分手,並送她到加拿大讀書。

鄭詠恩(鄭少秋女)

鄭少秋與官晶華的女兒鄭詠恩,經常被發現夜蒲𠝹仔。早前在網上流出啜仔相外,更被踢爆搭上林建名兒子林孝信。

Hilary(上山詩鈉女)

Hilary盡得母親真傳,眼大鼻尖,樣貌精緻,開放的她常在 Instagram大晒三點式泳照;又試過被拍到與男友當街纏綿,又攬又錫。

Nikkie(梁家輝大女)

自小在國際學校讀書的 Nikkie,有樣有身材,不時在 Instagram分享攬仔照及泳衣相的她,露半球、浴缸吸煙等乜都放,其中「胸壓」外籍男友人的自拍性感照,更成為網民熱話。

撰文、攝影、攝錄:娛樂組


鍾意就快D Share啦!