香港係一個文明社會，唔使憑感覺，肯肯定係。
既然係文明社會，受過教育，識互相尊重，咁點解要令媽媽咁難受？一直堅持以母乳餵哺bébé G嘅官恩娜，經常喺網上同大家分享餵母乳苦樂，佢曾經話過:「我條餵奶路絕對係波折重重，唔知流咗幾多眼淚...絕對係行到我遍體鱗傷！先至堅持到今日！我阿媽仲要同我講，以前佢好輕鬆就餵大我哋三兄弟姊妹...唔知點解我講到餵母乳好似火星任務咁難！」究竟點解？最近官恩娜同bébé G又遇到「奇事」——應該係「歧視」。過程絕不funny。時間：某日
地點：香港某五星級洒店嘅女更衣室
人物：官恩娜、bébé G同一名中年女人官恩娜憶述，當日佢抱住bébé G到上址，因為喺佢所在嘅兩層樓都搵唔到育嬰室，BB又肚餓，於是問准更衣室職員，喺嗰度餵母乳。為免遭人「另眼相看」，所以官恩娜已經故意坐埋一邊，點知仍遭一名中年女人侮辱。官恩娜話:「佢走過嚟，故意喺bébé G嘅頭殼頂上面，同我塊面側邊大聲敲打電話，同大聲鬧有人喺度餵人奶！再超級大聲喺bébé G頭殼頂打電話俾酒店各部門投訴，問人哋知唔知女更衣室發生緊乜嘢事！bébé G都俾佢嚇到喊咗出嚟，我都俾佢嚇到呆咗，俾唔到反應！」「點解喺呢個年代都仲有人對餵哺母乳存咁大嘅偏見？寶寶飲媽媽嘅母乳係最天然不過嘅事！我覺得無論如何都唔應該咁樣對一個五個月嘅嬰兒！事後我個心好唔舒服。」出入五星級酒店，一身名牌，無法裝飾一顆醜陋齷齪的心。官恩娜今午受訪時，表示:「因為當時對方好似好緊張咁，而且自己都同BB一齊，同埋佢講嘢嗰時好近自己同BB，同埋好大聲，所以自己嗰下真係嚇到呆咗。我怕嚇親BB，所以冇正面同佢理論...佢打完電話投訴完之後走咗，跟住冇幾耐都有酒店職員走入嚟，同我講唔好意思。」時代所謂越進步，人類何以就越退步。以前餵哺母乳是稀鬆平常的事，今日竟然遭受百般冷眼。酒店沒有育嬰室，也是相當奇怪。有過來人留言謂，在尖東某酒店嘅staff，帶她到傷殘人士專用的洗手間，指示她到那兒「育嬰」，包括餵奶同換片。官恩娜也說:「我自己冇諗過依家仲有人對餵人奶有偏見，希望可以為所有餵人奶嘅媽媽爭取下。有時去到一啲商場或酒店，好多時佢哋嘅育嬰室都冇設施俾媽媽餵人奶，要抱住一個20磅嘅BB，一邊餵人奶一邊企喺度，係一件好困難嘅事。」#支持母乳餵哺
|
鍾意就快D Share啦！
|
|
|