| 官恩娜在網上發文，直斥中年婦無知：「點解喺呢個年代都仲有人對餵哺母乳存咁大嘅偏見？寶寶飲媽媽嘅母乳係最天然不過嘅事！」 | next 1/1 pre |
 | |
| 官恩娜不平則嗚，高叫餵母乳無罪！ | next 1/1 pre |
 | |
| bébé G只有五個多月大。 | next 1/1 pre |
 | |
| 官恩娜認為寶寶飲媽媽嘅母乳係最天然不過嘅事，不應被侮辱。 | next 1/1 pre |
 | |
| 官恩娜 | next 1/1 pre |
榮升為人母的歌手官恩娜（Ella）自與外籍醫生老公誕下囝囝bébé G後專心相夫湊仔，佢喺網上發文：「嗰日喺香港某五星級洒店嘅女更衣室（因為喺我所在嘅兩層樓都搵唔到育嬰室，亦有問准更衣室職員）餵母乳，比（畀）一個中年女人侮辱！其實我已經故意坐埋一邊唔好阻住人…佢走過嚟故意喺bébé G嘅頭殼頂上面同我塊面側邊大聲敲打電話同大聲閙（鬧）有人喺度餵人奶！再超級大聲喺bébé G頭殼頂打電話俾（畀）酒店各部門投訴，問人哋知唔知女更衣室發生緊乜嘢事！bébé G都俾（畀）佢嚇到喊咗出嚟，我都畀佢嚇到呆咗比（畀）唔到反應。點解喺呢個年代都仲有人對餵哺母乳存咁大嘅偏見？寶寶飲媽媽嘅母乳係最天然不過嘅事！我覺得無論如何都唔應該咁樣對一個五個月大嘅嬰兒！事後我個心好唔舒服！#餵母乳無罪！」
「冇諗過仲有人對餵人奶有偏見」
記者聯絡上Ella，她說：「因為當時對方好似好緊張咁，而且自己都同BB一齊，同埋佢講嘢嗰時好近自己同BB同埋好大聲，所以自己嗰吓真係嚇到呆咗，我怕嚇親BB，所以冇正面同佢理論…佢打完電話投訴完之後走咗，跟住冇幾耐，都有酒店職員走入嚟，同我講唔好意思。自己冇諗過依家仲有人對餵人奶有偏見，希望可以為所有餵人奶嘅媽媽爭取下。另外有時去到一啲商場或酒店，好多時佢哋嘅育嬰室都冇設施畀媽媽餵人奶，要抱住一個20磅嘅BB一邊餵人奶一邊企喺度係一件好困難嘅事。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|