| 黎生呀黎生…我哋好多問題問呀！！！ | next 1/1 pre |
 | |
| 究竟黎生又會講咩金句？ | next 1/1 pre |
 | |
| Eason先生想知黎明哥哥點鼓勵下一班學生哥！ | next 1/1 pre |
 | |
| 生咗個女嘅王太太問黎明揀女朋友有咩條件？ | next 1/1 pre |
最強娛樂資訊App《東網巨星》又一力作，推出全新節目《黎明話你知》！今次《東網巨星》邀得「金句王」黎明跟大家玩問答遊戲，由八位市民向黎明發問抵死啜核問題，黎明則要快速回答問題。而一向搞鬼兼funny的黎明更親自幫節目改英文名，叫做《Leon Tell You Something》！想知市民問咩問題？想知黎明又點樣發揮「金句王」本色答問題，究竟tell you乜嘢？記得要mark實《東網》！
諗多啲開心嘢 唔好輕易放棄生命
Eason：黎明哥哥，我想問你，近排咁多學生自殺，你有咩方法可以鼓勵佢哋呀？
Leon：近排咁多學生自殺，覺得有乜嘢可幾鼓勵佢哋，咁我諗唔會自殺嘅點都唔會自殺架啦，咁係自殺嘅人，係喺之前應該未有人鼓勵過佢哋，咁我依家覺得最緊要正面啲，盡量去諗多啲開心嘅嘢，早睡早起，第日再睇吓需唔需要有呢個決定，其實每個人命運命數都有注定，咁當然係一件唔開心嘅事，但我相信若然正能量夠嘅同學知道自己目標，係唔會做呢樣嘢，目標比較含糊或者自己比較失落先有咁諗法，盡量開心啲，開心完仲要諗自殺先再考慮。
Eason：黎明哥哥，你覺得自己最娘同最CHOK係咩時候呀？
Leon：我最娘最Chok，咁我梗有娘嘅時候，但自己娘嘅時候，自己未必注意啫，因有啲娘唔係太娘嘛，娘梗有架啦，咩時候，呢啲係喺自己唔知嘅情況吓發生咗娘嘢，有時可能啲人覺得我講金句都係娘架，原因就係你哋用呢個字嚟笑人。
生B睇緣份
王太太：Leon，你有錢又靚仔，係筍盤，你揀女朋友有咩條件呀？
Leon：其實我揀女朋友冇乜條件，因為我工作時間太長，同埋自己唔係好識得分配自己時間，成日做嘢，我覺得如果香港狗仔隊唔再影我哋藝人時候，我哋私人時間可以出去行吓街，咁自然就識到女子，但通常未識到已畀人影咗相拎去賣錢，係嘛，出呢啲雜誌報紙老闆影藝人拍拖對我哋好唔公平，唔好影。
王太太：Leon，你幾時做爸爸呀？幾時想呀？
Leon：你抱任何小朋友就問我幾時做爸爸，我冇抱小朋友，我覺得做爸爸都要睇緣份嘅，即係當有小朋友時你嘅工作完全Handle到又照顧到小朋友，跟住先去照顧，因為好大責任嚟，尤其是始終每個人命運唔同，唔係爭唔爭取，如果爭取完你個婚姻唔係咁長遠嘅，當多個仔多個女都可以Handle，始終生活喺亞洲唔係美國，變咗隨緣啦，有我都唔抗拒，但呢分鐘我唔會諗住。
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|