方力申喊住講分手救無可救
十年情一朝了，方力申日前與鄧麗欣宣布結束十年情後，昨日首度現身交代「分訊」，曾經歷長達三個月冷靜期的他們，最終在一個多星期前決定忍痛分手。「分手後一分鐘便有後悔聲音」，沉重的小方全程眼泛淚光，期間更兩度流下男兒淚，當被問及有否轉機時，他說：「將來嘅嘢冇人知。」 採：音樂組、追蹤組 文：專案組
一臉憔悴的小方心情沉重兼咬唇，更流下男兒淚。
Stephy自爆出分手後，一直未有現身。
小方昨日出席活動，與小朋友合照時強顏歡笑。
方力申與鄧麗欣宣布結束十年情，令人惋惜。
小方使出調虎離山計，七人車更帶記者遊花園。
日前突與拍拖十年女友鄧麗欣（Stephy）爆出「分訊」的方力申，昨日於分手後首度現身，一臉憔悴的小方心情沉重，更於開腔前深呼吸、抬頭望天，他介紹一輪活動內容後說：「一啲咁唔開心嘅事，我諗我講唔到咁多次，希望大家再一次體諒。（心情如何？）其實我同Stephy係地下情開始，地下情好耐先畀人影到，我哋先至公開，既然開始係低調，本來分開都係想低調，但尋日睇到好多關心我哋嘅朋友短訊，包括傳媒、親戚朋友、粉絲，我想同大家講，我哋兩個知道十年係一個好長時間，要公布嗰刻我自己係拎住電話睇住公布嘅時間，我手係震得好犀利。」
此時，說到口震震的小方亦停頓了幾秒，並哽咽指他倆於電影《紀念日》上映前感情已生變，惟當時因擔心被指藉機宣傳才未有向外公布：「我哋兩個真心好珍惜我哋呢段感情，所以呢……」話未說畢，他已忍不住流下男兒淚。
「唔係我一個人挽留」
其後他又抖了一口大氣嘗試平復心情，他指與Stephy的冷靜期長達三個月，並謂其十年情「死因」並不涉及婚期問題：「所以我哋決定有個冷靜期，呢個冷靜期，期間我哋兩個都經常出嚟傾偈、講嘢，期間講嘢過程，我哋都有傷心，亦都有喊咁我哋最後一次傾偈，我哋見面傾偈，我哋十周年嗰日我哋一齊傾偈，最後就係和平分開。所以其實我哋掹車邊真係到咗十年，所以都好感恩。（分手最大原因係乜？）問題係我哋見過幾次傾嘅，係解決唔到嘅問題，結唔結婚唔係我哋兩個嘅分歧，不過係有啲問題係解決唔到，我哋都有段好長時間嘅冷靜期。」問到是誰先提出分手，小方則指是兩人決定，至於問到有沒有轉機，他有所保留地說：「將來嘅嘢冇人知。」
問及何時分手時，小方指在個多星期前，剛巧本月9日Stephy在網上放上鮮花照發感言：「花的意義是它為他設定限期，讓你更珍惜它燦爛盛放的時刻……」兩人時間不謀而合，未知是否為結束十年情埋下伏線。問到還有否跟Stephy聯絡、感覺如何時，他表示身份變了，問到是否性格不合導致分手時，他說：「大家都關心有啲咩問題導致咁樣，對於我嚟講，問題唔重要，結果重要。（會挽留？）唔係我一個人挽留，係兩個人嘅事。」
「唔關第三者事」
對於有報道指他有第三者，又指他載其他外籍女子，淚痕仍未乾的小方再度落淚，並激動訴說有關相片並未有拍到他或外籍女子就直指他的不是，感覺像在他的傷口灑鹽，他又揚言曾為感情作挽留，問到兩人合作的電影《紀念日》是否導火線？他說：「拍攝時講過擔心會有影響我哋，結果可能都會有啲。（以後會唔會避開合作電影或合唱？）唔會，可以繼續合作，我哋同一間公司。（Keep住聯絡？）會，佢都有Message我嘅，同我講唔好意思，要我一個人去面對咁多人。（關唔關第三者事？）其實聲明、同Stephy都講咗唔關第三者事。（父母感覺如何？）佢哋覺得非常可惜。」活動後他匆匆乘坐公司的七人車離開，為避開傳媒追訪，他不惜使出調虎離山計，帶傳媒在港島區遊花園個多小時，最終於金鐘停車，但只見其公司同事下車，小方則不見影蹤。
一臉憔悴的小方心情沉重兼咬唇，更流下男兒淚。
Stephy自爆出分手後，一直未有現身。
小方昨日出席活動，與小朋友合照時強顏歡笑。
方力申與鄧麗欣宣布結束十年情，令人惋惜。
小方使出調虎離山計，七人車更帶記者遊花園。
|
鍾意就快D Share啦！
|
|
|
