逾2千人響應號召，到機場抗議行李事件梁特涉濫權「特事特辦」，前港區人大代表、因愛跳降落傘而有「飛天朱」外號的朱幼麟，今日亦參與靜坐，曾擔任立法會議員的他懷疑事件有人濫用特權，「聽咗保安局局長民航處處長講嘅嘢，令我更懷疑係咪？」他續指，不會接受再有一個香港人於有特權陰影下不敢站出說真話。年逾70歲的朱更爆料指，據其了解，事發時與梁特通電的航空公司職員「講到喊」，指當時航空公司有反建議可代梁頌昕將行李送到三藩市但被拒，「史丹福大學離機場咁近都唔肯，唔係想用特權係咩？」他呼籲大家一定要追究到底，「有無人濫用特權，希望同大家一齊搵到濫用特權嘅源頭，同埋消滅呢個源頭」，強調要將特權從香港土地上消滅，又引用國歌指自己「不願意做奴隸嘅人民，宜家起來嘅時間到嘞」。朱又指，自己住在美國三藩市，聽聞有國泰職員曾提出行李遺漏事件後第二天，將行李運返史丹福大學所在的三藩市，但被拒絕，而國泰向涉事的5至6名職員下命令不得向外公開事件，令職員面對巨大壓力。朱指今次是政府濫用權力，「不能容忍香港有特權，仲要有白色恐怖」。
來源 source: http://hk.apple.nextmedia.com
|
鍾意就快D Share啦！
|
|
|