時間在倒數。宣佈暫別樂壇的謝安琪，已經唱到《囍帖街》，意味演唱會將要完結了。Kay突然遮住眼，忍唔住喊，仲唱到聲震震，然後她說:「有一個人，我從來都冇多謝佢，我今晚想多謝佢。」然後開始嗚咽了。「我好想多謝一個人，我知道佢其實好細膽。佢其實唔算係一個好有自信心嘅人。佢唔係好識交際應酬，所以佢唔係好多朋友。但佢喺十年前做咗一個決定，令到我喺過去十年裡面有機會可以好放膽咁去追求自己嘅夢想，去做我自己想做嘅嘢。佢經歷好多事嘅時候，好難頂嘅時候，平常人都唔會好想受嘅嘢嘅時候，佢就嚟死0架喇，但佢都捱過咗。佢冇喺人哋唔鍾意佢、或者對佢好多批評嘅時候放棄。佢亦都試過喺身體好差嘅時候放棄工作，佢繼續做嘢。呢個人，就係10年前嘅我自己。」Ｚ點知，就喺Kay眼濕濕嗚咽之時，台下竟然有啲人噓!因為以為係感謝張繼聰!Kay聽到台下反應竟然係咁，即反問大家:「做咩啫？你哋有人自認嗰個人咩？咁你哋嚟頂啦。人生經歷嘅所有嘢無嘥到，呢句說話，我喺出面學返嚟，所有嘢形成今日嘅我，你認識過我呢個人、接觸我嘅音樂，我都感謝你。」之後唱一曲《山林道》。當唱到嗰句「問我初衷鏗鏘的答不吞吐」，全場大合唱，場面感動，Kay向觀眾恭躬、飛吻，入後台。至11時半完場，所有燈已亮相，廣播都播完喇，全場觀眾都唔肯走，繼續吹BB要求encore，最後隊band出番嚟，Kay再度出場，獻唱一曲《跟我走》。她再出場時就說:「你哋呢個係真encore嚟喎，你哋都知紅館嘅encore係幾咁虛偽0架啦，你哋呢個係真encore嚟喎，咁我就不如唱番首《跟我走》啦!」唱完之後，Kay再說:「Thank you!多謝你哋，跟我返屋企啦你哋!」然後返入後台。11點40分，真‧完場。Kay哭了三次。Bye Bye喇Kay！一年後見喇！
|
鍾意就快D Share啦！
|
|
|