掃呢頁CODE去手機

2016年4月23日 星期六

m18講場:內地客來港買保險 卡係咁碌嘅! __,

(GettyImages圖片)內地有錢人嚟香港買保險有幾勇?睇睇中保監出到「溫馨提示」講香港購保風險就知。講到尾都係怕資金外流,兩個月前外匯局出招,內地人喺境外碌銀聯卡買保險產品,限制每筆碌5,000美元。不過,最近就聽到個都市傳說,話「我見過,我真係見過卡係咁碌嘅!」先嚟一條數學題:內地客嚟香港投保,保費要畀2億港元,碌卡畀,每次5,000美元(約3.9萬港元)額度逐次碌,咁碌法,要碌幾耐?答案 ...


(Getty Images圖片)

內地有錢人嚟香港買保險有幾勇?睇睇中保監出到「溫馨提示」講香港購保風險就知。講到尾都係怕資金外流,兩個月前外匯局出招,內地人喺境外碌銀聯卡買保險產品,限制每筆碌5,000美元。不過,最近就聽到個都市傳說,話「我見過,我真係見過卡係咁碌嘅!」

先嚟一條數學題:內地客嚟香港投保,保費要畀2億港元,碌卡畀,每次5,000美元(約3.9萬港元)額度逐次碌,咁碌法,要碌幾耐?

答案係:3日,碌足3日無間斷。當然係位內地大戶擺低張卡畀信任保險Agent處理,總之就係「你夠膽買,我哋全力為你係咁碌」,香港保險界幾時都咁專業、咁拼搏。

有幾拼搏?有數得計。3日要碌足2億元,每次限碌3.9萬元,即係要碌5,129次。放心,碌卡冇辦公時間限制,Agent連續72小時不停手咁碌,每個鐘都要幫個客碌足72次先搞得掂。

請教過專家,新碌卡機計,最快25秒先完成一次交易,加埋信用卡中心不時打嚟確認(一張卡不停碌,好難唔收到卡中心電話吧),所以好有理由相信,今次唔止出動一部碌卡機,Agent大有可能兩手「雙龍出海」咁碌,中途睇怕仲要安排人換班去洗手間同食飯添。

碌完卡之後張信用卡單,相信Agent一定好守法咁唔會代客簽,於是位內地豪客就要簽晒呢5,129張信用卡單。好嘞,終於完成交易,唔知佢哋仲有無力握手呢可?


來源 source: http://hk.on.cc
鍾意就快D Share啦!