掃呢頁CODE去手機

2016年5月30日 星期一

鄧穎芝被唐紫睿摑:打波打埋人! __,鄧穎芝,唐紫睿,

(左起)莫穎彤、唐紫睿、駱胤鳴、駱胤樺、趙哲妤、陳偉琪、鄧穎芝
鄧穎芝被唐紫睿摑:打波打埋人!藝人鄧穎芝(Vangie)、唐紫睿(Hazel)、梁靖琪及SiS樂印姊妹等昨日在「Panasonic學界籃球邀請賽2016」中落場鬥波,最近玩格鬥上癮的Vangie及Hazel大晒鎖技搞氣氛,Hazel更出茅招抓面拉手,但仍無阻Vangie掃分,最終Vangie共獲得最高分的16分包括兩球三分波,堪稱最佳球員!(左起)莫穎彤、唐紫睿、駱胤鳴、駱胤樺、趙哲妤、陳偉琪、鄧 ...


鄧穎芝被唐紫睿摑:打波打埋人!

藝人鄧穎芝(Vangie)、唐紫睿(Hazel)、梁靖琪及SiS樂印姊妹等昨日在「Panasonic學界籃球邀請賽2016」中落場鬥波,最近玩格鬥上癮的Vangie及Hazel大晒鎖技搞氣氛,Hazel更出茅招抓面拉手,但仍無阻Vangie掃分,最終Vangie共獲得最高分的16分包括兩球三分波,堪稱最佳球員!

「Panasonic學界籃球邀請賽2016」昨日在灣仔修頓室內場館舉行,八位女藝人參與的名人邀請賽成為焦點賽事之一,鄧穎芝、SiS樂印姊妹及莫穎彤加入警察籃球大使隊,梁靖琪、陳偉琪(Vicky)、唐紫睿及趙哲妤則代表籃總名人邀請隊,八位靚女換上波衫落場獻技,獲得全場歡呼!

有多年打波經驗的Vangie及Vicky賽前被視為重點球員,結果Vangie不負眾望,一落場即跳投成功得兩分,愈戰愈勇,面對一眾男對手毫不怯場,結果全場共得16分包括兩球三分波,技驚四座!至於SiS樂印姊妹的駱胤鳴亦得六分,相反另一邊的Vicky接連射失最終只得兩分,Toby亦有兩分進帳,而其他女藝人則未有得分。最後籃總名人邀請隊憑藉其他男隊員的優秀表現,以48分比46分險勝由Vangie代表的警察籃球大使隊。

互鎖<br>賽前唐紫睿(左)與鄧穎芝大玩鎖技互鬥。
  • 互鎖

    賽前唐紫睿(左)與鄧穎芝大玩鎖技互鬥。
出茅招<br>唐紫睿眼見鄧穎芝要射波,即出手抓實對方兼摑了一巴。
  • 出茅招

    唐紫睿眼見鄧穎芝要射波,即出手抓實對方兼摑了一巴。
起飛腳
  • 起飛腳

出茅招被吹罰

最搞笑是Vangie及Hazel將最近學成的MMA格鬥技搬到籃球場上,兩人賽前已不甘示弱鬥拗手瓜,更出動鎖技互相纏鬥一番,「火藥味」十足!跳波時旁述以格鬥好手介紹兩人,Hazel即與Vangie互起飛腳示威,非常搞笑!落到場Hazel一樣冇情講,狠狠Mark實Vangie,眼見被Vangie放甩,Hazel即施展「追魂掌」摑了Vangie一巴,結果當然被吹罰,摸住面的Vangie笑住大叫:「打波打埋人呀你!」但事實上兩人勁老友自然沒有芥蒂!

拗手瓜
  • 拗手瓜
陳偉琪與鄧穎芝同屬有料之人,埋身對戰,遇強愈強!
  • 陳偉琪與鄧穎芝同屬有料之人,埋身對戰,遇強愈強!

向對手再下戰書

賽後Hazel狂讚Vangie球技精湛,自己已十多年沒有打波,目標苦練一年後再向Vangie挑戰,她笑說:「原本諗住用身高優勢贏佢,但佢真係好快!」Vangie說:「之前嚟修頓室內場睇波就多,今次係第一次出賽,好享受,好滿意自己表現!(覺得Hazel茅?)唔係!打波梗係有身體碰撞嘅!但畀人打一拳唔係咁開心囉!」講到最後Vangie射失關鍵罰球,結果未能贏波,Vangie笑言已盡力,而且玩邀請賽最緊要享受過程。

此外,有「無綫新咪神」之稱的Vicky射失多球大為失準,她表示因前一日運動過勞影響表現:「對手冇咩力,早知尋日唔去打波惟有做多啲防守同控球。」她又惺惺相惜大讚Vangie表現出眾,無論跳投剷籃都相當了得:「可能佢打開MMA,完全唔驚同對手有碰撞。」

球賽得分表

警察籃球大使隊

鄧穎芝:16

駱胤鳴 @ SiS樂印姊妹:6

駱胤樺 @ SiS樂印姊妹:0

莫穎彤:0

籃總名人邀請隊

陳偉琪:2

梁靖琪:2

趙哲妤:0

唐紫睿:0

文:影視組、音樂組


鍾意就快D Share啦!