江若琳（Elanne）早年同吳卓羲、寰宇老闆林小明、大陸劇《步步驚心》扮演十三哥嘅袁弘，仲有形象設計師Marco Chan等傳過緋聞，今日又有內地報道爆，江若琳同內地相聲演員曹雲金拍拖，「相聲」係指一種曲藝用講笑話、滑稽問答及說唱方法，引起觀眾發笑，而曹雲金就係著名相聲演員郭德綱嘅愛徒，曹雲金離開相聲社團德雲社之後，繼續相聲事業，又拍過多部影視劇。曹雲金日前現身北京機場，原來去接江若琳機，江若琳投懷送抱，之後二人返咗曹雲金位於通州嘅別墅，據知二人早前一齊合作拍新戲，唔通佢哋拍戲生情，最終戲假情真!據報道指，翌日佢哋晏晝，曹雲金同江若琳坐車駛出別墅，直奔三裏屯嘅太古裏南區，當時曹雲金向友人介紹呢位姑娘：「這是我的……」不過在場記者聽唔清楚，佢介紹江若琳係佢嘅邊位，跟手佢哋一齊行超市，之後曹雲金同江若琳又去咗一間蛋糕店買雪糕食，似足熱戀中嘅情侶。二人感情確係相當穩定，第三日下午，曹雲金同江若琳再次出門，去通州萬達嘅永輝超市，原來曹雲金嘅媽咪都有同行，即係已經發展到見埋家長嘅階段，江若琳仲好識do，主動為曹母買雪糕，同曹母傾偈講笑，相處幾融洽，又甜蜜咁餵曹雲金食雪糕，樂做「新抱仔」，之後「一家三口」去買餸，未知係唔係當晚想整大餐，不過江若琳都扶住曹母，似乎早已融入曹家，話晒江若琳同曹雲金都已到適婚年齡，二人情投意合，估計都好事近!曹雲金同江若琳第四日再次去機場，在大庭廣眾之下，曹雲金竟然主動錫江若琳，好唔捨得對方，跟手江若琳拖喼準備辦理登機手續，要同男友仔分開啦!《蘋果》今日都問過江若琳，佢回應新戀情：「最平常不過的事情，正常的發展，希望大家能給我祝福！知道大家一直都很關心我，謝謝大家！我會繼續好好的生活，也會繼續努力在我的工作上面！」
|
鍾意就快D Share啦！
|
|
|
