就算被分手都仲維護前男友，認真大方呀！
歌手蕊蕊自上月與藝員金剛分手後，一直未有為分手一事解畫，早前更與朋友到法國旅行散心。心情平復的蕊蕊今日接受《東網》訪問，學習打拳揮灑汗水，拳拳到肉，回復單身的她似乎要話畀大家知道佢冇事！
澄清種種分手傳聞
蕊蕊表示其實心情已平復，更多謝朋友及傳媒，她坦言分手一事其實對自己來說，根本不是一件大問題，更澄清種種分手傳聞：「我真係冇自殺，我好堅強，呢件事出咗之後真係好多朋友關心我。（因為金剛賭？）唔係，我之前都講咗佢冇，真係冇咁嘅事。」與金剛拍拖三年的她，在訪問中亦不時維護對方：「其實我哋拍拖嗰陣，佢係男朋友要嘅嘢真係做足。（例如呢？）私人嘢就唔講太多啦。（佢有咩唔好？）咁每一個人都有好同唔好嘅。（你包容晒佢全部？）係嘅。」
問到她會否嚇怕與圈中人再拍拖？她說：「其實我之前都講咗怕㗎，不過緣份到就冇得講啦，因為我好怕分手又要解釋咁多嘢，依家努力工作先」
來源 source: http://hk.on.cc
|
鍾意就快D Share啦！
|
|
|
