「十優港姐」麥明詩(Louisa)呢期好紅，紅在俾人話佢喺節目無限loop「劍橋」，俾網民封為「堅離地詩」。最近佢長留深圳拍大台劇，不過港姐冠軍只得到新人待遇，試過09到拍攝場地，到晚上6點先埋位，呆等足足9粒鐘，仲試過同大陸臨時演員坐同一駕車，局哽臭汗味！10A港姐變大台新丁，明明係「人生勝利組」嘅Louisa，忽然由天堂跌落凡間，仲俾網民歸邊為失敗組，認真唔好受，好彩身邊都有個護花男友林作頂住。而對住男友，呢位「人生勝利組」即時「堅貼地」，做返一個普通貼地女朋友。噚日下晝四點，唔使開工嘅Louisa，喺屋企附近join咗男友後，林作架白色戰車，就直駛向九龍仔公園足球場。原來本身有踢開波嘅林作，噚日喺九龍仔有場比賽，而只得一日假嘅Louisa，就抽時間做跟得女友，到球場撐男友。林作落場前，當住女友面前剝衫又剝褲，不過Louisa就冇乜尷尬樣喎。有女友助陣，林作嗰隊最終以2-0勝出。而着住白色緊身上身衫、加高叉牛仔裙嘅Louisa，全程喺球場側邊，貼住草地坐，仲不經意露出嘅白滑長腿吸晒睛，不過由於烈日當空，草地又多蚊蟲，戴住超嘅Louisa，惟有幫對腳狂搽蚊怕膏。之後佢就一邊睇書一邊幫男友吶喊助威，見男友口喝，仲飛奔跑去場外嘅汽水機，幫男友仲幫埋其他隊友買水，呢個廿四孝女友，認真唔話得。
| (攝影：畢紹基、潘冠恩) |  好多肉！ |  反光肚腩！ |
 白滑長腿…… |  唔止吸睛，仲吸咗好多蚊飛過嚟！ |  噚日林佢嗰隊擺出5-4-1陣式，做前鋒嘅佢，為球隊助攻，最後贏2比0。 |
 收到男友order後，Louisa開始向場外狂奔。 |  諗咗一陣，最後買咗幾枝水。 |  攞到一手都係。 |
 再九秒九走返去球場。 |  未踢波前，林作先到女友家中接咗佢先。 |
來源 source: http://hk.apple.nextmedia.com
|
鍾意就快D Share啦！
|
|
|
