豪宅配名車，本報記者早前直擊全港最富貴停車場薄扶林貝沙灣，貴為新晉豪宅，一入到車場就有如名車展！呢個驚人車場，為貝沙灣第四期，入到去，寶馬（BMW）是基本車款，勞斯萊斯（Rolls-Royce）閒閒地都十架八架，但最誇張係一部紫色，連正式車牌都未有的超級跑車--號稱「風神」的意大利超跑Pagani（帕加尼）Huayra。呢架超級跑車，市值肯定過千萬港元，計埋稅隨時要2,000萬，足足夠買該區兩伙兩 ...
豪宅配名車，本報記者早前直擊全港最富貴停車場薄扶林貝沙灣，貴為新晉豪宅，一入到車場就有如名車展！呢個驚人車場，為貝沙灣第四期，入到去，寶馬（BMW）是基本車款，勞斯萊斯（Rolls-Royce）閒閒地都十架八架，但最誇張係一部紫色，連正式車牌都未有的超級跑車--號稱「風神」的意大利超跑Pagani（帕加尼）Huayra。呢架超級跑車，市值肯定過千萬港元，計埋稅隨時要2,000萬，足足夠買該區兩伙兩房單位。泊於「風神」旁邊一架黃色Lexux LFA，來頭亦不小，全球總生產量限500架，只於2010至2012年間出產過，眼見呢部就係2012年出廠，日本車都要成400萬元一架，難買過法拉利。四個車位亦泊咗兩架保時捷，出街就係型爆跑車，拍埋「風神」同Lexux LFA旁邊，就變成「陪跑」。到底，呢幾部型到爆的私家車，泊埋一齊，車牌又好類近，到底車主是何方神聖呢？記者在運輸處登記一查之下，就發現，原來是基金公司惠理集團（806）的副主席兼聯席首席投資總監蘇俊祺。呢位新西蘭奧克蘭大學商學學士兼澳洲新南威爾斯大學商業碩士，上市公司年報顯示年僅40歲，1999年入職，即係喺惠理做咗十七年，2012年晉升為副主席。據公司網頁資料顯示，佢主要係協助董事會主席謝清海，處理集團事務及業務、以及公司投資管理團隊的日常運作和整體管理。據惠理2015年年報，蘇俊祺一年薪金368.5萬元，再加花紅1,596.6萬元，連同其他福利估計1,745.5萬元，每年酬金總額3,710萬元，已經幾乎夠買2部風神，兼富貴過唔少富二代。利豐（494）太子爺馮裕鈞舊年袋走313.6萬美元（約2,446萬元）年薪。新世界發展（017）第三代接班人鄭志剛，年薪收2,170萬元。而蘇俊褀最賺錢的部份，並非來自月薪，而係佢獲發惠理集團認股權，近年沽貨套現贏大錢。由2014年開始，蘇俊褀逐步減持手持惠理股份，而2015年更是其沽貨套現的高峰期，根據聯交所股權披露資料顯示，單計2015年，蘇俊祺共減持1,467.6萬股惠理股份，總套現金額達到1.65億元，相信扣除行使認股權成本之後，仍然賺到開巷。而佢去年底仍持有1,267萬股惠理股份，市值接近9,000萬元，同時亦持1,849萬股的認股權。成為億萬富豪嘅蘇俊褀，當然有能力大灑金錢，將dream car逐一據為己有。估唔到，私底下，蘇俊祺係一名「車痴」，場內四部車一字排開都係佢。粗略估計，四部車合共市值3,000萬元左右。至於4個車位，每個月租起碼4,000元，淨係每月交租都16,000元，但對於蘇俊祺而言只是九牛一毛。不過，本報記者曾經聯絡過蘇俊祺，想做個訪問講下買車心得，佢似乎就唔多願意了。至於佢本人就持有一個2期頂層複式單位，實用面積2,518方呎，2007年4月以3,620萬元買入，估計現時市值超過7,000萬元。本報上周向蘇俊祺查詢名車事宜，截稿時暫未獲回覆。記者：黃嘉銘、朱連峰掌握財經生活資訊，即Like「蘋果ATM」fb專頁
http://fb.com/appledailyatm
| 貝沙灣四期全個車場都係名車 |  號稱「風神」的意大利超跑Pagani（帕加尼）Huayra在此! |  勞斯萊斯（Rolls-Royce）閒閒地都十架八架 |
 惠理集團副主席兼聯席首席投資總監蘇俊祺，就是型爆跑車「風神」的車主 |
