陳敏之黃袍上身咁！
藝人陳敏之與森美等晚上在將軍澳電視城為節目《Sunday好戲王》錄影。陳敏之透露節目尚有四集便煞科，暫時不會添食，因幾乎全台藝員也上過節目，希望停一停休息，稍後有機會再開續集。
問陳敏之是否要努力「造人」？她笑說：「一直都做緊。之後會休息，冇定休息幾耐，因為都要準備吓人生大計，會飲吓湯水進補，我哋兩公婆都隨緣，但呢個都係一個好時間。（係咪已經有咗BB？）未有，如果公布得會話畀大家知，希望有好消息啦。（驚BB小器未公布得？）要啲時間，到時再話畀大家知，希望得啦。（所以今日唔着咁高嘅高踭鞋？）唔係，因為之前整親條腰啫。」
陳敏之今天所穿的衣服可謂「搶晒鏡」，一身橙金色連身裙令敏之像是「黃袍加身」一樣，與薛家燕於台慶所穿的「登基服」有得比，但可惜敏之未顯霸氣，反而土豪味濃！
來源 source: http://hk.on.cc
|
鍾意就快D Share啦！
|
|
|