47歲伍詠薇一向係玩得之人，不過感情世界，佢就好專一，自從1999年再婚，同做廣告嘅練海棠結婚多年，今日有周刊爆年近半百嘅練海棠，竟然「喬裝」背妻偷食34D屋邨長髮女，二人唔單止嘆白酒，更去咗南灣沙灘匿車廂兩粒鐘夜會(新聞連結：http://bit.ly/1UyneGE)，據知從事廣告嘅練海棠一向多女埋身，又要cast，自然多選擇!好友周美鳳今日回應《蘋果》時，亦為好姊妹出頭，寸爆34D：「我比較理智，要有證據才相信!個女仔係咪喺車嘔呀?」(新聞連結：http://bit.ly/1WNaJgw)咁伍姑娘…佢又點睇呢!?《蘋果》都問過伍姑娘，佢把聲都好響，同平時冇咩分別，問到佢有冇睇過老公偷食片段，有冇嘢可以回應，伍姑娘以WeChat回覆：「冇問題，冇乜特別嘢幫到(回應)，今日我要做嘢，有記者嚟，可能大群啲，到時我一嘢公開交代我要講嘅嘢。」又笑言：「呢刻充滿正能量！」
來源 source: http://hk.apple.nextmedia.com
|
鍾意就快D Share啦！
|
|
|
