變臉靚人妻裕美驚爆偷食 搞緊離婚
現年28歲的人妻裕美傳背夫偷食，疑搭上無綫小生黃子恆玩煮飯仔兼過夜，被冠上搞婚外情罪名的裕美，昨日自爆去年已搞離婚，結束兩年婚姻，回想當日承受婚變之痛，行街又喊食飯又喊，幾乎令抑鬱症復發！她強調黃子恆不是第三者，兩人純屬好友關係：「我唔係見一個愛一個嘅人。」
由pizza面驚變V煞面的人妻裕美，2013年前與拍拖一年多的圈外男友林恩浩閃婚，可惜婚姻僅維持短短兩年。昨日有報道爆裕美疑搭上吳若希緋聞舊愛黃子恆，日前兩人被影到攬腰到馬鞍山買餸，之後雙雙返男方的西貢寓所玩煮飯仔，至翌日早上都未見裕美離開，傳出婚外情疑雲。
■裕美和林恩浩的兩年婚姻玩完，去年已分開，現正辦理離婚。
■本月初，裕美出席活動時笑容滿面，似乎已捱過了婚變傷痛。
■裕美出道時是pizza面，與現在的樣貌分別很大。
不停喊唔識面對昨日記者致電裕美求證，她自爆去年已和老公搞離婚：「其實我同佢分開咗，唔係一個短時間，係上年分開。」問到是否已辦妥離婚手續？她說：「處理緊事情，要尊重對方。感情嘢唔想講太多，我哋性格磨合過，但磨合唔到，性格不合。」裕美以前曾患抑鬱自殘，問到婚變有否想過做儍事？她強調：「點解會諗呢一步？我可以發誓真係冇！以前為情可能想自殺，但大個咗真係冇，只係有段時間情緒好低落好唔開心，當時行街又喊，食飯又喊，唔知點面對人好迷惘。因為婚姻對我嚟講係完滿夢想，冇咗只能夠話係時候要長大。」婚姻失敗有否令抑鬱復發？她說：「好感恩冇，我都驚㗎，只係有一下feel到自己唔正常，不停喊，腦海好多負面嘢，但𠵱家人生積累明白世事難料。」
問到黃子恆是否第三者？裕美否認：「真係唔關佢事，佢好陰功，佢係好好藝人。」有否向她展開追求？她強調：「冇啲咁嘅事，我都唔知發生乜事，咁搞笑，嗰日唔單止我同黃子恆，仲有三個朋友，大家去佢屋企食飯，我根本冇過夜，9點已經走咗，我仲有下場。」對於被影到兩人攬腰，裕美否認：「唔係，咁啱搭吓，feel唔到攬，街市好多人，佢好紳士，用手幫我擋，我哋識咗一段時間，因為自己嚟緊拍劇，問佢拍劇嘅嘢。」有指她經常到黃子恆屋企？裕美說：「唔係啦，黐線，我都住西貢，我哋有共同朋友，我估應該唔多過三次。」
■黃子恆是無綫力捧的小生，昨日「玩失蹤」不回應疑搭上人妻的緋聞。
■最近裕美接拍新劇，強調與黃子恆只是好朋友，向他請教拍劇。
■黃子恆曾與吳若希傳緋聞，現更傳搭上人妻裕美。
同黃子恆乜都傾裕美透露其實很久之前，已經跟老公出現問題：「我唔敢講畀人聽，多謝陳明恩陪住我，呢段時間我投靠好多唔同朋友屋企，投靠過明恩屋企，朋友畀我幫助好多，好難過嘅時間都過咗，之前連媽咪都唔敢講，處理好晒先同佢講呢件事。」
裕美再三強調離婚與黃子恆冇關：「佢係好朋友，我哋乜都傾，唔想影響佢，佢始終係非常勤力嘅人，雖然我哋唔係拍同一部劇，但我都問佢專業意見，我哋識咗兩、三年，真係唔關事，我唔係見一個愛一個嘅人。」問到現在有否拍拖？裕美說：「冇，同朋友講有好嘢介紹，隨緣！𠵱家好想做好工作，我一直唔係依靠伴侶嘅人，但心靈好想有屋企。」
採訪：皓騫
|
鍾意就快D Share啦！
|
|
|
