「自己話需要調節心情離家出走半年，居都未分，走去其他男人屋企住，咁就可以離到婚？唔開心以淚洗臉到可以一直去party，咁你都真係幾sad喎。你老公同其他教友包容你唔出聲，唔想爆你醜聞等你飯碗都無，唔代表你可以亂講嘢同無人知。」「若要人不知，不要太低B，有啲彩你攞咗就算，你去到咁，我唔X你我都唔係人啦。你唔使兜喇，慳啲啦。」講緊嘅係邊個？
B先生今日(14號)喺fb出咗呢個po，附圖係裕美承認同老公林恩浩因為性格不合而搞緊離婚，並配上以上一段「個人感受」，並tag埋裕美同老公嘅fb。不言而喻。三人的common friend當然見到此po，紛紛留言。有人問B先生為何失信爆料？B先生辯稱:「我記憶同金魚無分別。」不少朋友都留言稱應顧及裕美老公感受，B先生再說:「好多嘢我都忍，但今次太Over。我唔出聲，發展落去佢仲難受。」又稱:「我就係顧Jason感受先出嚟嘈，再啞忍落去，某人就會繼續扮可憐，用傳媒去漂自己。」也有友人深有同感:「我都唔識講，佢一路都啞忍。」至於裕美版本，則完全唔同。裕美之前回應《蘋果》時承認搞緊離婚，佢仲話同老公因為性格不合，分開咗一段時間，又表示婚姻失敗，令佢不停喊，「腦海好多負面嘢，控制唔到，但o依家人生積累明白世事難料。都多謝教練同我傾好多偈，幫我分析，所以我先冇跌入番以前(抑鬱)，好容易諗儍事，o依家家真係冇。」裕美又表示好耐之前已經同老公出現問題：「我唔敢講畀人聽，多謝陳明恩陪住我，呢段時間我投靠好多唔同朋友屋企，投靠過明恩屋企，好多朋友畀我幫助好多，好多謝佢哋，好難過嘅時間都過咗，之前連媽咪都唔敢講，處理好晒先同佢講呢件事。」(新聞連結: http://bit.ly/1S3YqnU )
|
鍾意就快D Share啦！
|
|
|
