黃子恆入行17年，代表作真係冇乜，但要數同佢有關嘅女仔，就好多！
無綫藝人黃子恆喺1999年參加無綫第14期藝員訓練班入行，同班同學仲有馬國明同吳卓羲等，不過多年嚟星途暗淡嘅佢，雖然拍過唔少劇集，但多數只係做閒角。最終喺2013年於劇集《仁心解碼II》扮「龍心」同陳茵媺有對手戲、在劇集《衝上雲霄II》做胡定欣男朋友，以及在劇集《四個女仔三個BAR》做陳瀅男朋友，先開始為人認識。
除此之外，佢喺2014年於劇集《點金勝手》與陳敏之有咀戲，以及上月為劇集《乘勝狙擊》拍攝時，同人妻林夏薇在街頭激吻，專咀索女，異性緣十分旺盛！
而他前年亦同過李佳芯（Ali）傳過緋聞，二人被拍得蜜遊西貢，仲撐枱腳食燭光晚餐，最後更齊齊前往男方家，事後兩人例牌否認。舊年黃子恆亦被拍得同吳若希（Jinny）喺赤柱夜會，但兩人亦否認戀情，並指大家係認識多年嘅好朋友。
來源 source: http://hk.on.cc
|
鍾意就快D Share啦！
|
|
|
