賭王四房幼子何猷君自小被封數學天才，昨日在世界排名第一的麻省理工大學畢業，可謂人生勝利組。四太梁安琪更率領三代成員撐愛子場，而猷君更以家族傳統「肉嘴」贈四太，他會考慮繼續讀碩士或創業，會學習謹記賭王對say no說不的毅力。賭王何鴻燊子女眾多，事業上各有成就，二房長女超瓊已成為香港女首富、其弟猷龍是澳門小賭王，而四房近年勢頭勁，大女超盈開藝術拍賣行，已躋身《福布斯》榜注目新生代，而她21歲的胞弟、即四太梁安琪孻仔猷君自小被封為數學天才，學業成績超卓，於世界排名第一的美國麻省理工大學（MIT），以三年時間完成四年的學位課程，絕對是家族冒起的尖子。猷君昨日凌晨時間在波士頓出席畢業禮，四房一家總動員現身支持，四太率領母親、子女超盈、猷亨及超欣，甚少露面的兄長禤偉祺也與太太一同前往，連一手湊大猷君的老工人珍姐都有飛去見證，可見四房對猷君畢業十分重視。猷君行完禮後，全家興奮拍照留念，他更向四太阿媽送上肉嘴，又攬實妹妹超欣合照。能在MIT縮減一年時間完成理學學士課程，連大學校長也笑猷君破壞了宇宙最難入的大學形象。猷君透露其實早前已獲取錄金融碩士，他現考慮繼續進修或返港創業，去年他已小試牛刀以利是錢創業搞夜店app。本報昨日越洋致電他做獨家專訪，談到三年苦讀終見成果，他自言興奮亦辛苦：「平時一個學期係讀四、五堂，我就喺第二年每個學期讀八堂，即係一年讀兩年嘅堂，因為想返去屋企創業，想努力快少少，早一年畢業，上八堂搞到冇時間食飯，忙到唔知幾時交功課，所以用咗三年汗水趕呢個畢業禮，係好興奮，好感動，排隊上台嗰時諗，三年幾艱難，喺呢度真係唔容易，好多謝朋友精神上同功課上支持。」眾房子女中，大部份都是大學畢業生，猷君更是從世界排名第一學府MIT畢業，學術成績超班，他謙虛表示：「咁多家姐、阿哥都非常優秀，大家都咁叻。」猷君在香港讀傳統小學時，已參加世界數學測試邀請賽，獲獎兩次被傳媒封為數學天才，他自言榮幸：「我細細個你哋叫到依家，由攞獎、考會考、A-Level，入MIT到畢業都好榮幸，係唔係天才？梗唔係愛因斯坦，講吓笑就OK，不過由細到大都多咗個責任，一定要數學考得好。」父母出名做生意叻，相信猷君亦遺傳了他們的基因，他表示：「爸爸成日講笑，我數學好係遺傳阿媽數口好，聽爸爸同媽媽朋友講，爸爸細個對數字已好敏感，係一個電話簿所有電話都識背番出嚟，可能有少少遺傳，天才又好、愛恩斯坦又好、愛丁堡又好，我覺得係80%努力，20%係天賦。」數學天才的他雖未試過考試不合格，但自言讀書也曾遇上困難：「細細個去英國讀中學，嗰時英文唔好，覺得讀歷史好難。」賭王父親與四太理所當然成為他的偶像及學習對象，他表示：「從爸爸身上，學到永遠對no係say no，好有毅力嘅性格。喺媽咪身上學到好謹慎，佢好多嘢似望一望就決定，其實佢喺個腦入面，個思維兜咗好多次。仲有Iron Man都係我偶像，個角色都係MIT畢業。」採訪：唐如
|
鍾意就快D Share啦！
|
|
|