Ali着上婚紗好有氣質！
無綫藝人李佳芯（Ali）為第83屆香港結婚節暨夏日婚紗展擔任模特兒示範婚紗，同場還有「文青女神」袁澧林。Ali表示今次是首度行婚紗騷，笑言似發了一場夢。問到酬勞是否很高？她稱只是正常價，由公司負責洽談。至於有否為行騷而作特別準備或減肥？她說：「我冇減肥，因為啱啱拍完劇，我拍劇時會瘦，keep到冇bye bye肉。我出動咗私伙嘅缽仔糕，同埋有工作人員教我用『波波小姐』，『波波小姐』係中間揼氣，兩邊會漲，我都未用過，唔係好識用，不過最後都係用番自己嘅缽仔糕。（嫌上圍唔夠豐滿？）我向來係紙板人。不過唔同身材着衫有唔同感覺，希望畀到大家新鮮感。」
認有結婚衝動
至於有否幻想過何時結婚？現年34歲的Ali坦言小時候曾想過26歲結婚，到26歲後就計劃28歲結婚，現在則隨緣：「計劃咗反而冇用，感情冇得計劃。」問她有否跟nowTV主持男友陳炳銓就結婚一事傾過？她說：「唔會，依家事業剛開始，工作對我好重要，係衝刺期。（頭先行騷有冇結婚衝動？）有，每次着婚紗都有，希望到將來結婚都仍然有。（有冇將着婚紗嘅相傳畀男友睇？）我會畀我媽咪睇，之前同『撈家』（羅嘉良）合作都有畀相媽咪睇，佢讚撈家仲係咁有型，佢喺我面前只會讚其他人，佢以前唔睇電視，但因為我而睇，仲會剪低有我嘅報道嘅報紙。」
來源 source: http://hk.on.cc
|
鍾意就快D Share啦！
|
|
|