陳嘉佳捉住吳業坤強吻「洩慾」！
現年31歲的陳嘉佳（細細粒）擁有106Kg的「無敵身形」，日前宣傳劇集《性在有情》時被阮兆祥取笑「原封不動」仍是處女，令她非常尷尬！不過，細細粒的處女身分話題因而再被炒熱，被尊稱處女黨「榮譽會長」。為擺脫處女之名，細細粒決定主動出擊，目標是新劇拍檔吳業坤！
細細粒早前與吳業坤及賴慰玲（Winki）到科學園附近海傍拍攝無綫新劇《迷》，講述細細粒因失業及生活失意，狂食朱古力發洩兼食到一面都係，最後激動爆血管暈低，由坤坤及Winki營救！
突然扮狗叫
烈日當空下，細細粒專業地又嗌又喊反晒白眼，更不怕熱辣辣瞓石屎地，非常投入！拍畢後，她難忘坤坤的英雄救美，一望見這位「小鮮肉」突然拔足狂追，捉實對方強吻「洩慾」，嚇到坤坤驚慌得O嘴凸眼，更被錫到面留「朱」（小編按：朱古力咋，諗咩呀你哋！）印，非常搞笑！訪問時，細細粒自嘲成面朱古力似烏嘴狗，又突然扮狗仔叫了幾聲，可愛到爆！
𢱑監製加個男友
事後，細細粒受訪時表示暫時劇本未見有感情線，多數是跟金剛的兄妹戲，笑言希望監製王心慰見她拍攝投入，可以加「男友」慰勞！提到先後與Bob（林盛斌）及許紹雄有搞笑情慾戲，重口味爆燈，她笑言今次主動向坤坤點燈，希望與他再續未了緣：「之前拍《My盛Lady》同坤坤都係一對，但冇咀戲，希望今次可以有」
坤坤：感受到初戀
對於被細細粒強吻，坤坤笑說：「感受到初戀呀！佢係一個好開心嘅人，同佢冇咩隔膜。」緋聞多籮籮的坤坤今次與Winki飾演一對，首日合作開工的兩人，拍照時卻刻意保持距離，坤坤笑言要謝絕緋聞：「唔想拖埋Winki落水呀！我話嘅！拍完套劇前唔拎佢電話。」
此外，日前細細粒被幾位男士包圍慶祝生日，久旱的她獲眾男吻賀即開心笑晒，又與大象形狀的蛋糕合照。
來源 source: http://hk.on.cc
|
鍾意就快D Share啦！
|
|
|