噚晚裕美的丈夫Jason(林恩浩)在fb貼短片，重點包括：
1.請各方好友停止放料
2.表明從沒有離婚打算
3.「我係一個男人」，表明願承擔責任
4.呼籲黃子恆，稱對方如果真係愛裕美，就請站出來承認責任。
5.Jason稱裕美是一個好純的人，呼籲各方不要再落井下石。Jason的影片聲明長約一分鐘，凌晨12時左右發佈，黃子恆同裕美都繼續潛水，未有回應。裕美稱病及發燒，今日缺席活動。至於黃子恆，原來喺Jason今晨拍片期間，一直在電視城開工，更與洪永城等人在員工餐廳食宵夜。洪永城話：「件事有啲複雜，真係唔知佢點處理，佢處於被動狀態。」咁黃子恆做緊乜？佢的確一直忙於喺電視城開緊工，日以繼夜夜以繼日。至今日傍晚，一臉疲憊的黃子恆坐城巴到將軍澳巴士總站，被《蘋果》記者碰個正著。黃子恆未ready有記者，一臉愕然。又流出情慾短訊又被指偷食人妻，Jason更拍咗條片話冇同裕美離婚、又話你搞佢老婆，咁究竟件事係點？稍稍定神的黃子恆稱：「我暫時唔回應住。」咁你同裕美關係點？「我暫時有啲嘢處理緊先，我唔回應住，唔該晒。」雙手合十。再問裕美在事後可有聯絡過你？黃子恆想了想，吸一口大氣，然後說：「咁其實喺我識佢嘅時候，佢同我講佢哋分開咗……我知道呢件事依家影響咗好多人…好抱歉…唔該晒你哋，唔該晒。」咁你有冇搵裕美？黃子恆不願多談：「唔方便回應住，唔該晒，thank you，thank you。」說罷即匆匆上車，表示要趕去開工。
| 採訪、攝影：朱志聰、黃曉程 |  |  「咁其實喺我識佢嘅時候，佢同我講佢哋分開咗……」 |
 |  |  咁你同裕美關係點？「我暫時有啲嘢處理緊先，我唔回應住，唔該晒。」 |
 「唔方便回應住，唔該晒，thank you，thank you。」 |  |
來源 source: http://hk.apple.nextmedia.com
|
鍾意就快D Share啦！
|
|
|