黃子恆表示裕美有同自己傾訴家暴問題，更指會一人做事一人當！
歌手裕美及丈夫Jason（林恩浩）近日的「離婚羅生門」鬧得滿城風雨！當中因被拍到與裕美密會而捲入風波中的無綫藝員黃子恆，昨日預告會在ig拍片並回應事件，今日下午他終於上載片段，更分成兩段出街。
一早知裕美被家暴
黃子恆於片中着番佢尋日見人嘅藍色恤衫，一臉認真咁表示裕美曾向自己傾訴遭家暴一事，黃子恆更指自己知道後好想保護裕美，而到咗依家呢一步，黃子恆指自己願意去承擔：「連日嚟關於我嘅報道令到好多人擔心我，好對唔住，我係大半年前喺公司認識裕美，認識佢之後，從佢口中得知佢同佢老公分開咗，喺朋友嗰度住，當中嘅原因係因為牽涉一啲家暴問題，但當時佢唔敢同其他人傾訴，我再慢慢了解佢嘅情況，了解到佢處境之後，我好想保護佢，支持佢。而事情發生到呢步，我知道已經影響咗公司，影響到其他人。若然公司就呢件事對我任何處分，我甘願承擔，一人做事一人當，而外界對我嘅任何批評，我都甘願接受。喺整件事入面，我確實有錯失嘅地方，就係冇清楚了解，佢同佢先生嘅關係清楚咗未。裕美係一個好善良嘅女仔，我唔希望他日再見到佢嘅時候，仲係好似之前咁活喺陰霾之下，而係可以開心、愉快、安穩咁生活嘅女仔。」
來源 source: http://hk.on.cc
|
鍾意就快D Share啦！
|
|
|