網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年6月19日 星期日

歐國盃:歐國盃 C朗12碼宴客佗衰家 葡萄牙又失分 __,C朗,基斯坦奴朗拿度,

C朗黑到世界盡頭!唔通真係「惡有惡報」?上場對冰島被指擺款拒握手、唔肯交換波衫兼串對手踢法沉悶嘅葡萄牙球星C朗拿度,嚟到次輪繼續發波瘟,今晨喺葡萄牙對奧地利之戰,12碼宴客後再食埋詐胡,仲係開唔到齋。葡萄牙最終同奧地利悶和0比0,葡軍2戰得2分排小組第3,爭出線最後一戰鬥匈牙利幾乎非勝不可呀!首戰攻極唔入肉嘅葡萄牙,今次正選陣換入「扭波王」哥利斯馬,期望能加強攻力,雖則話開賽3分鐘就幾乎畀奧地利攻 ...


C朗黑到世界盡頭!

唔通真係「惡有惡報」?上場對冰島被指擺款拒握手、唔肯交換波衫兼串對手踢法沉悶嘅葡萄牙球星C朗拿度,嚟到次輪繼續發波瘟,今晨喺葡萄牙對奧地利之戰,12碼宴客後再食埋詐胡,仲係開唔到齋。葡萄牙最終同奧地利悶和0比0,葡軍2戰得2分排小組第3,爭出線最後一戰鬥匈牙利幾乎非勝不可呀!

首戰攻極唔入肉嘅葡萄牙,今次正選陣換入「扭波王」哥利斯馬,期望能加強攻力,雖則話開賽3分鐘就幾乎畀奧地利攻破大門,夏歷喺門前無人看管竟然頭槌頂斜,葡萄牙得以保住不失。之後就輪到葡萄牙一浪接一浪攻勢,威廉卡維奴同維爾連亞嘅頭頂腳踢攻門都逃唔過奧地利門神羅拔艾馬十指關。C朗喺22分鐘嘅門前撞射又貼柱出界,加上拿尼喺28分鐘接應傳中又頂中柱,半場雙方互交白卷。

父親節前夕囝囝面前失威

換邊後奧地利似係進一步退守,55分鐘,C朗先嚟個左腳遠射畀羅拔艾馬撲出底線,轉頭角球又係C朗搶點成功,可惜頭槌攻門又畀羅拔艾馬接實。葡萄牙之後繼續狂攻,去到78分鐘,C朗喺禁區內畀奧地利守將軒迪列加拉跌,搏得12碼,可惜呢位皇馬球星親自操刀竟然宴客射中柱,又入唔到波。以為夠衰咩?未算,C朗之後仲有次接應罰球頭槌頂入,又被判越位在先。成個下半場睇住C朗攻極唔入,最後雙方0比0完場,C朗正式以128次打破費高國家隊上陣紀錄之夜,又係谷住條氣度過。難為入場睇波嘅C朗囝囝,睇住老竇失威,兩父子要齊齊度過失落父親節囉!

譚詠麟 Vs 黃國英

今個夏日大爆足球金句!!仲有獎抽呀!

足球狂熱,席捲2016夏日。明星隊、財經名人隊喺「星級擂台」大鬥金句,每個賽日都咁好睇,今日明星隊派出譚詠麟、財經名人隊由黃國英壓陣,實有精彩嘢。睇完金句,記得玩埋抽獎,豐富獎品等住你,快啲去彩報網頁 http://win.on.cc 參加喇!

獎品包括最新9.7吋平板電腦、Samsung Galaxy S7及Gear VR、雙人來回倫敦機票連住宿及波飛,好吸引呀!

推廣生意的競賽牌照號碼:047186


來源 source: http://hk.on.cc
鍾意就快D Share啦!