葛薈婕呢篇鬧爆汪峰嘅微博，真係唔知起源係咩…
大陸歌手汪峰早幾個月同舊愛葛薈婕不斷喺微博開火，事件平息咗一輪，今日一早葛薈婕忽然又喺微博發功，不但指名道姓喪鬧汪峰，話佢唔係男人，最後仲忍唔住爆粗㖭！
葛薈婕寫道：「姓汪名峰的人，我唯一的願望就是你快點死！別再禍害孩子們！我承認當時是個不負責任媽媽，但我覺得你更不是男人！我心疼每一個和你有關的人，因為我親身經歷過！所以你別再（你）的搖滾精神來做你的藉口，別再用著（着）你那些自殺離婚的愛來當作藉口……我前半輩子已經毀在你手上了，我認，但我不希望這種惡習被人傳暢！最後一句，汪峰，你就是個傻X！」
網友疑微博遭入侵
葛薈婕忽然發功，成篇博文又冇前文後理，配圖更係大批類似喜帖及禮物嘅相，而佢喺發呢篇博文之前，就已經同網友鬧交。有網友猜測可能葛薈婕與汪峰喺剛過去嘅六一兒童節發生過爭執，亦有網友估計唔知佢account係咪畀黑客入侵。
迅速刪博文
跟住佢疑再向章子怡發文，暗指章子怡心懷不軌：「章小姐，你是為什（甚）麼？不是我無理取鬧，是因為我看著（着）你們這樣心懷不軌的人們在一起我沒辦法安心！！！有太多事解釋不通了！」不過事後佢已經迅速刪除所有相關博文，完全讓人摸不着頭腦。
來源 source: http://hk.on.cc
|
鍾意就快D Share啦！
|
|
|