嘟住 selfie
Beth嘟晒嘴同男友自拍，睇見都骨痺。
探熱針
孖新歡摸髀調情 吳忠義奉旨食免費餐
亡妻司馬燕逝世只有一年多， Togi吳忠義已火速兩次換畫，呢頭甩小三 Summer，話咁快又搞掂人妻新歡 Beth Chim，「好老公」假面具被揭破，但吳忠義天跌落嚟當被冚，賤男行徑，愈來愈浮面。
氹女大原則：浪漫！拍拖撐枱腳，吳忠義同 Beth一邊望住海，一邊摸大髀！不過，賤男潛規則，埋單時間，繑埋手齋望， Beth心甘情願，簽咭找數。
主動索攬
同暗交五年的小三 Summer孫君子劃清界線後，吳忠義立即換「碼頭」，快手搞掂在求職社交網任高職（亞太區地區經理）、有兩個女的人妻 Beth Chim。
換畫後，吳忠義挺身而出，澄清新歡其實是分居中，同時為了抓緊這個高薪厚職的水泡，只要對方有時間，吳忠義隨時候命。早前，本刊發現二人在一間海邊餐廳，享受下午浪漫。與男友排排坐，著住鮮黃色碎花裙的 Beth，全程表現進擊！
傾傾吓偈，年紀都有咁上下的 Beth突然扮少女，先撥一撥長髮，跟住挨埋去，再繑住手臂，並嗲住同吳忠義講：「攬住先！」隨即順勢伏在男友膊頭，一路傾一路冧笑，狼虎到呢！
埋雙手
二人飲住香檳睇海景，愈飲愈 high之餘，更不由自主地跟住音樂 un un吓，好陶醉！呢個時候，吳忠義開始發功，伸手摸女友大髀。 Beth受落之餘，亦作出熱烈回應，將手放在男友大髀，起勢捽！
之後 Beth拎起手機要玩 selfie，吳忠義即刻戴番副超，兩個面貼面，加埋 Beth嘟嘴爆 cute，十個骨痺！
摸髀調情一粒鐘， Beth叫埋單，其間吳忠義就好似點了死穴一樣，毫無反應，要女友簽咭。
不過，你情我願， Beth冧爆又滿足，埋單抵晒！
提議王晶開《鴨王 3》的話，不妨考慮呢位「新賤星」。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|