謝安琪尋日就孖住老公張繼聰去行街街拍拖，仲睇埋BB床！唔通好事近？
現年39歲的樂壇天后謝安琪（Kay）年初宣布暫別幕前一年，到四月完成演唱會後就正式暫別樂壇，實行相夫教子兼積極造人。但近月來其身形愈來愈脹，因而屢傳懷孕。昨晚Kay與老公張繼聰被發現到九龍塘某大型商場拍拖行街睇戲，但化上淡妝兼身穿鬆身長裙的Kay就看似肥了一個碼，而且孕味濃。期間兩人全程十指緊扣，步伐一致，Kay更不時甜笑，可見兩人雖已結婚九年，但仍十分恩愛。
老公孭起成頭家
阿聰為支持老婆全面停工的決定，樂意獨力孭起成頭家的重擔，連月來為拍劇及其他工作更忙到冇覺好瞓，但是身為好老公的阿聰當然不會冷落愛妻，每當有空檔都寧願犧牲休息時間陪老婆。昨晚兩公婆先到戲院睇戲，之後就行街街，期間兩人更在一間高級嬰兒用品店前駐足，對店內一張嬰兒床大感興趣，令人猜疑究竟Kay是否真的懷孕。之後兩人傾了幾句後，就立刻拖到實到餐廳食晚飯。
兩公婆否認大肚傳聞
《東網》就此事致電兩位主角，阿聰接受電話訪問時否認Kay懷孕傳聞：「唔係，唔係。（點解睇嬰兒床？）有興趣睇吓啫，（未夠三個月唔講得？）未有三個月，唔係嗰啲未夠三個月唔講得，我哋會繼續努力。」至於Kay亦透過電話回覆否認傳聞：「真係未呀，我平日行街都好鍾意睇BB床，尋日我哋去睇戲，阿聰依家拍緊戲，好少機會會晏晝睇戲，完咗之後就去食飯，好casual。而行街拖手呢啲係仲保持住，我哋由拍拖到依家都係溫馨，幾開心，總之有好消息會同大家講。」
來源 source: http://hk.on.cc
|
鍾意就快D Share啦！
|
|
|