網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年7月28日 星期四

峇里預支蜜月 吳若希拖男友示威 [壹週刊 - 1377] __,吳若希,M1,

上週六,二人由峇里返港,同男友拖實的吳若希更不時挨住男友撒嬌。探熱針峇里預支蜜月 吳若希拖男友示威吳若希(Jinny)被拍得同30歲澳門有米商人何兆鴻(Alex)同遊泰國後,當時人「放閃」公開戀情,不過隨即引爆男友Alex拍拖期間同前度Toby仍保持肉體關係,吳若希反變小三!戀事變成是非,但二人繼續愛得高調,密密出埠,甚至大方於公眾地方十指緊扣。拍拖睇《寒戰2》因為長駐澳門,揚言只想與吳若希牽手到 ...


上週六,二人由峇里返港,同男友拖實的吳若希更不時挨住男友撒嬌。

探熱針

峇里預支蜜月 吳若希拖男友示威

吳若希( Jinny)被拍得同 30歲澳門有米商人何兆鴻( Alex)同遊泰國後,當時人「放閃」公開戀情,不過隨即引爆男友 Alex拍拖期間同前度 Toby仍保持肉體關係,吳若希反變小三!

戀事變成是非,但二人繼續愛得高調,密密出埠,甚至大方於公眾地方十指緊扣。

拍拖睇《寒戰 2》

因為長駐澳門,揚言只想與吳若希牽手到白頭的 Alex,惟有密密赴港,向女友交人。

早個星期六(七月十六日)晚十點,著上白色連身裙加一件粉紅色外套的吳若希做柴可夫,車男友去數碼港拍拖睇《寒戰 2》;入場前,先到小食部排隊買嘢食,其間吳若希挨住男友,旁若無人,無論 Alex講乜,她都心心眼,交足反應,甚至將扣住的兩手,齊放到小食部櫃位上,十分寃氣!

Alex講乜,都氹到吳若希笑到見牙唔見眼,真係咁好笑?

曾經在節目中不停高八度講「點解嘅」、「好打耳」的吳若希成功洗觀眾腦,對住男友,繼續用呢招扮可愛。

擺埋同款甫士,睇見都痺。

歎完糖水返屋企

月初被踢爆拖手遊泰國後,拍拖只有五個月的吳若希大方承認戀情,公開宣示正印身份。上個星期,二人又飛到峇里島同陽光玩遊戲, Alex更在 IG貼二人拖手仔相,大晒恩愛預支蜜月。

上週六(二十三日),「蜜月之旅」結束,明顯叉足電的吳若希同男友十指緊扣行出閘口,之後直落去元朗 B仔涼粉食埋糖水,才雙雙返回吳若希香閨。「 Alex喺澳門的確有唔少生意,以前乜都自己落手落腳搞,但同 Jinny(吳若希)拍拖後,佢先肯放手俾其他人幫,自己就幾乎晚晚人肉速遞過香港瘟女,而家只要 Jinny唔使開工, Alex就會陪佢出埠,話要等女友多啲機會 relax喎!」身邊人說。

月初被踢爆拖手遊泰國後,吳若希晒情侶 look公開戀情。

女友唔使開工就拍拖出埠,上個禮拜,二人在峇里享受陽光與海灘,更加在網上齊齊「放閃」。

返屋企前,兩人決定由機場揸車去元朗食 B仔涼粉,落車時,吳若希心急到飛起白 tee,露出大截腰腹。

去年, Alex購入無綫藝員莫家淦的太陽眼鏡品牌「 Hachill」澳門經銷權,一早睇中吳若希的他,周圍託朋友搭路,指定要搵女神吳若希做眼鏡店剪綵嘉賓。第一次見面, Alex已表現進取,把握機會同他的女神交換埋電話。

「 Alex一心想溝 Jinny,但當時他同 Toby啲手尾未搞清楚,所以 Jinny對 Alex嘅追求都有啲十五十六,後來打聽過知道對方家底唔錯,加上又真係啱傾,所以最後都開晒綠燈!」

一有時間就由澳門來港瘟女的 Alex,日前與女友到數碼港睇《寒戰 2》。

排隊買嘢食,吳若希當眾挨住 Alex。

買嘢期間,二人依然拖實唔放。

一有時間就由澳門來港瘟女的 Alex,日前與女友到數碼港睇《寒戰 2》。

唔會點蝕底俾人

可以短短幾年間成為圈中小富婆,二十四歲的吳若希一度盛傳被地產猛人林棣權(十哥)照顧,才可以住豪宅,揸靚車,但當事人堅持否認,直至遇到新歡 Alex,才罕有認愛。

「 Jinny一向都多人追,追佢嘅都係年紀比較大,做得佢老豆嘅!雖然講出嚟未必有人信,但佢就係有咁嘅本事,只有佢着數人哋,自己冇乜蝕底。

「係女仔都想搵個養得起自己,外形又襯嘅男朋友 Alex合晒佢條件, Jinny搵過相士夾時辰八字,又真係批佢兩個好大機會結婚,咁 Jinny真係想做多兩年,等滿約就疊埋心水嫁人,所以佢都好緊張, mark實 Alex。」吳若希身邊人說。

Alex曾經鋪出一張 190萬支票,暗示自己有足夠賺錢能力養吳若希一世。

上年 12月, Alex指定要搵女神吳若希做其眼鏡店剪綵嘉賓。

由峇里返港翌日,吳若希出席活動時被問到雙腳為何有瘀傷,她表示因為潛水被石擦傷。

同爹哋輩特別有緣的吳若希,成功冧掂星夢唱片 CEO何哲圖 Herman,取代鍾嘉欣頭寵位置。

女殺手

入行六年,吳若希收過不少觀音兵,甚至有年紀大到可以做佢老豆的有米 uncle,都唔放過。

溫家偉

去年初,與溫家偉(大隻仔)於旺角拍拖,當街親熱又攬又摸,其後吳母遇車禍,男方更陪伴左右。

鄭俊弘

合作《星夢傳奇》期間,二人朝夕相對撻着,更被斷正甜蜜放狗,對此,當時名草有主的鄭俊弘竟大方表示:「 Yeah!開心!」

周志文

14年,搭上巨聲幫大孖周志文,但二人好快分手,去年初又一度翻撻,孖住去環球嘉年華,其間態度親暱。

十哥(林棣權)

盛傳搭上有米地產商十哥(林棣權),得金主特別照顧,即時由屋邨進駐何文田豪宅,出入揸百萬波子,生活十級跳。

黃子恒

去年合作無綫劇《實習天使》一撻即着,吳若希主動做司機接男方收工到赤柱撐枱腳,漫步碼頭吹風談心。

撰文、攝影、攝錄:娛樂組


鍾意就快D Share啦!