圈中要數邊對夫婦最多人like，相信10個有8個會話係劉青雲同郭藹明。劉氏伉儷結婚18年，做老公嘅，出外拍戲密密賺，樂做背後小女人嘅郭藹明(Amy)，就負責幫老公啲錢滾呀滾，買屋買舖，有賺冇蝕。一直住開西貢嘅佢哋，兩年前有指豪擲3,280萬港幣，購入西貢西沙小築E段獨立屋。有能力買幾千萬嘅樓，但郭藹明喺其他方面就應使得使。噚日下晝約5點，記者發現佢坐住司機所揸嘅寶馬7系房車，到西貢市中心。一落車，零化妝嘅郭藹明，就一個箭步，行入一間寵物店。腳踢鮮黃色crocs膠鞋嘅郭藹明，上身一件黑色addidas風褸，下身配條牛仔褲再揹個尼龍布袋。清爽配搭，同圈中闊太吓吓名牌嘅打扮，嚟得清新舒服，而最吸睛嘅，當然係冇化妝之下，48歲嘅佢，近距離睇，依然唔多覺有毛孔！劉太入到寵物店，sales姐姐第一時間幫佢執咗包貓糧，似乎係熟客仔。俾完錢，郭藹明繼續同sales姐姐打牙齖。臨走嗰陣，有隻貓仔忽然喺腳邊經過，眼明手快嘅郭藹明，即刻縮腳避一避。避完之後，佢仲忍唔住自己笑一笑。上車時，見到記者影相，郭藹明繼續keep住招牌笑容望鏡，不過見佢隻手戴住個黑色護腕，唔知係做運動整親定做家務時扭親！對小動物有愛心，識錢搵錢又識知慳識儉，呢個老婆就算匿喺火星，劉青雲肯肯定會坐住太空船，死跟！
| (攝影：畢紹基、徐錦池) |  着住addidas風褸嘅郭藹明，噚日素顏遊西貢。 |  48歲，顏值依然高。 |
 踢crocs戴護腕 |  寵物店熟客仔，同老闆娘好鬼好傾！ |  見唔見到左下角有乜嘢？ |
 係有隻貓由紙箱伸個頭出嚟… |  之前匿喺箱度0架！ |  郭藹明走嗰陣，同鏡頭影唔到嘅貓貓又有接觸……爭啲整到佢 |
 郭藹明身手靈活即閃開，仲忍唔住傻笑。 |  |  劉青雲舊年攞影帝，發表嘅太空船論，好鬼洋蔥。 |
 |  結婚18年，都仲係咁恩愛！ |
來源 source: http://hk.apple.nextmedia.com
|
鍾意就快D Share啦！
|
|
|
