平日搭小巴，上車落車、或者叫「有落」時不免戰戰兢兢，皆因間中會遇上火爆的小巴司機，一不小心就會被粗口侍候。但凡事未必是絕對，來往坪輋及粉嶺港鐵站的52K線有一司機，既好人又窩心，常常提醒乘客小心上落。夏天潮濕炎熱，人人都難免心情煩躁，但即使揸小巴的工作繁重又辛勞，馬路上仍不乏有禮司機，帶着微笑載着乘客平安到達目的地。
東網記者到粉嶺站外的小巴站頭，根據facebook專頁「北區友」的帖文內容，找到網友讚賞、別號「蝸牛」的有禮司機謝建光。54歲的他樣子有幾分煞氣，卻常被車隊隊友取笑他車速太慢。揸車搵食20年有多，蝸牛加入52K線車隊已有3年。他並不認為自己特別有禮，平日客氣待人只因不想惹糾紛，「你對人好，人對你好啫，同客人又唔係敵對嘅。」他又認為職業司機禮貌待客屬平常事，而每日行走同樣路線已累積不少熟客，「唔想黑口黑面，好口啲嘅，有啲人過年會畀利是添！」
「啲客咩人都有，但同佢嘈其實冇着數，我惡又唔夠佢惡，有錢又唔夠佢有錢。」蝸牛指，多年來遇過不少麻煩客，「有啲客講嘢大聲，叫佢細聲啲唔好影響到人，反而仲鬧返我轉頭。」他表示，客人各種自私行為不時令司機血氣上升，而且夏天炎熱，小巴因車齡太舊，車廂內冷氣不夠更添煩躁，「有啲人係專登撩你，惟有做好本份，每日平平安安咁過咪算。」
記者曾坐上蝸牛的52K線，客滿後車廂內確實非常翳焗，下午時分陽光直射在車窗玻璃及座位膠片上，即使作為乘客都難免汗流浹背、心浮氣躁。而蝸牛看似不易親近，卻能保持心平氣和，對客人關懷備至，不時提醒客人：「呢架車去坪輋嘅喎」、「阿婆慢慢嚟呀」、「拜拜」等等。
對於坊間認為小巴司機「常用粗口鬧人」，蝸牛表示理解，除因為各種麻煩客，亦因小巴司機的工作殊不簡單。蝸牛透露，作為早更司機早上6時多便要開工，每天約走7轉車來回，每程車約22分鐘，至下午2時多交更，期間除了少於1小時的早餐時間，甚少有機會「落地」，因此大小二便都要「忍得」。此外，他又指，小巴司機沒有定期休息日，「有事就攞假，冇事就唔會攞，因為唔做就冇錢啦。」蝸牛又指一指放在司機座旁的紙杯，「朝早買咗杯咖啡，依家都未飲完。」
|
鍾意就快D Share啦！
|
|
|
