2016年7月30日 星期六

【聲稱有證據】指林志玲使橫手阻曝光 陳冠希女友:要我把錄音放出來嗎? __,志玲,陳冠希,林志玲,

究竟係林志玲扮無辜,定係《我的新衣》製作單位有問題?件事好複雜,請俾啲耐性睇下事件始末先:件事係咁嘅,陳冠希日前躁爆怒轟林志玲,且用字侮辱暗示對方有不道德交易,又直指女方是「婊子」,令人嘩然。事後陳冠希刪po,但就解釋係因為之前為某事與林志玲溝通不果,所以先至爆seed。噚日陳冠希同林志玲都喺上海,隔空過招。陳生話俾時間林志玲解畫交代事件,否則就爆大鑊,但始終無講明咩事;另一邊廂嘅林志玲於含淚稱無 ...


究竟係林志玲扮無辜,定係《我的新衣》製作單位有問題?件事好複雜,請俾啲耐性睇下事件始末先:件事係咁嘅,陳冠希日前躁爆怒轟林志玲,且用字侮辱暗示對方有不道德交易,又直指女方是「婊子」,令人嘩然。事後陳冠希刪po,但就解釋係因為之前為某事與林志玲溝通不果,所以先至爆seed。噚日陳冠希同林志玲都喺上海,隔空過招。陳生話俾時間林志玲解畫交代事件,否則就爆大鑊,但始終無講明咩事;另一邊廂嘅林志玲於含淚稱無辜嗌委屈,又重申雙方無交雜,不明陳冠希點解予以針對。台灣《蘋果》噚日下晝出咗段文,聲稱搵到真相,真相係關林志玲同陳冠希女友秦舒培事。兩人早前應邀上大陸節目《我的新衣》,但最後林志玲上到,秦舒培就出局。製作單位日前回應傳媒時就話由始至終都無預秦舒培,但噚日改口話其實係有嘅,但因為秦舒培被揭以人妻身份同陳冠希拍拖,影響top model 形象,所以最後踢佢出局。換言之,唔關林志玲事。咁係咪陳冠希鬧錯人?今日凌晨近兩點,唔瞓嘅當事人秦舒培喺微博爆出「真相」,全文如下:

「《我的新衣》欄目微博急著找我簽合同的時候,說一定要立馬簽,因為節目下個月就要開始錄了,我說我中間兩期有事情,沒辦法錄,給我幾天時間,我要把時間調節一下。「結果我的時間為了節目空出來了,你們卻告訴我說,因為林志玲那邊不想讓我參加,所以取消了我,現在又說並沒有因為甚麼人,所以節目都是這樣騙人的嗎?要我把語音放出來給大家聽嗎?」換言之,秦舒培聲稱手上有錄音證據,證明林志玲向製作單位施壓、唔俾秦舒培參加錄影,而陳冠希應該有聽過呢段錄音,先至嬲到代女友出頭鬧爆林志玲。唔知林志玲會否凌晨三點出po 解畫呢?


鍾意就快D Share啦!
Related Posts Plugin for WordPress, Blogger...