掃呢頁CODE去手機

2016年7月20日 星期三

【獨家】孕味極濃 面青青人妻Kay左手護肚 張繼聰扶實上車 __,Kay,張繼聰,繼聰,謝安琪,

人妻謝安琪(Kay)今年4月喺紅館騷上,公開宣布暫別樂壇,希望趁40歲前趕生B!Kay同老公張繼聰育有9歲囝囝張瞻,現年39歲嘅佢好想快啲生多個,經過3個月停工努力造人後,噚日Kay同老公現身沙田,本報讀者曾先生「爆相爆片」報料,着鬆身裙用手護肚嘅Kay孕味甚濃。 曾先生接受電話訪問表示:「大約12點幾,喺沙田政府合署見到張繼聰企喺樓下等,冇幾耐謝安琪一個人揸車嚟,之後佢就落車調位,見到謝安琪個樣 ...




其他影片:>>






人妻謝安琪(Kay)今年4月喺紅館騷上,公開宣布暫別樂壇,希望趁40歲前趕生B!Kay同老公張繼聰育有9歲囝囝張瞻,現年39歲嘅佢好想快啲生多個,經過3個月停工努力造人後,噚日Kay同老公現身沙田,本報讀者曾先生「爆相爆片」報料,着鬆身裙用手護肚嘅Kay孕味甚濃。

 

曾先生接受電話訪問表示:「大約12點幾,喺沙田政府合署見到張繼聰企喺樓下等,冇幾耐謝安琪一個人揸車嚟,之後佢就落車調位,見到謝安琪個樣好病,着闊身長裙,仲用手㩒住個肚,好似有咗小朋友咁,佢哋繳費之後,張繼聰扶番謝安琪上車,由佢負責揸車走。」

 

從相片所見,着黑色鬆身長裙襯厚底鞋嘅Kay,邊行邊用左手護肚,素顏嘅佢面色有少少蒼白,老公張繼聰細心扶實老婆上車,表現呵護體貼,難怪讀者曾先生覺得Kay大肚!《蘋果》致電阿聰求證,問到老婆係咪唔舒服?阿聰話:「冇嘢呀,扶太太上車,好正常反應啫。」問到Kay點解用手㩒肚?阿聰話:「冇乜特別意思,我都冇為意喎!」

 

對於Kay用手護肚孕味濃,阿聰否認老婆有咗:「唔係,有咗會同大家講,我同佢去運輸署搞牌照啲嘢啫,佢喺度等我啫,冇乜嘢呀。」係咪懷孕未夠三個月,怕BB小器唔講得住?佢話:「唔係唔係,有我哋會講㗎,周街都係你哋啲讀者嘅,多謝你哋關心,有就會宣布,我哋會努力。」問到Kay嘅身體情況,佢話:「冇事,唔使擔心,好happy。」

 

上星期,兩人被傳媒影到逛九龍塘嘅高級嬰兒用品店睇BB床,另Kay又在微博貼去紅館睇林海峰(Jan)騷嘅合照,仲留言嘲自己肥咗。加上噚日行路用手護肚,種種跡象加埋Kay回覆《蘋果》話:「謝謝大家的祝福,如果有好消息會再公佈。」Kay講得「再公佈」睇嚟大家好快聽到有喜訊公布,恭喜恭喜!

(左圖由讀者曾先生提供) Kay同老公張繼聰現身沙田,張繼聰扶實老婆,Kay着鬆身裙用手護肚嘅Kay孕味甚濃
5月嗰陣Kay同老公張繼聰一齊睇波
Kay仲去咗睇林海峰,佢仲自嘲自己肥咗 5月嗰陣,開始放大假嘅人妻Kay晒罅享受悠長假期 仲有腳睇

鍾意就快D Share啦!