掃呢頁CODE去手機

2016年8月17日 星期三

吳卓羲10年警察生涯!演足10年阿Sir,系咩玩法? __,吳卓羲,

藝人選擇拍劇作為職業,就系享受做唔同角色嘅樂趣。但唔少藝人因為做某啲角色類型入型入格,往後演出幾乎做返同類型嘅角色。最好似已經離開咗TVB嘅吳卓羲咁,其實佢呢10年嚟做過無數警察角色,小至學警,大至警司,名副其實「10年警察晉升之路」。「吳卓羲10年警察生涯」2005年4月-2005年10月:警察訓練學校學警UI66336(學警雄心)2005年11月-2007年5月:油麻地軍裝巡邏小隊(學警出更) ...


藝人選擇拍劇作為職業,就系享受做唔同角色嘅樂趣。

但唔少藝人因為做某啲角色類型入型入格,往後演出幾乎做返同類型嘅角色。

最好似已經離開咗TVB嘅吳卓羲咁,其實佢呢10年嚟做過無數警察角色,小至學警,大至警司,名副其實「10年警察晉升之路」。

吳卓羲10年警察生涯

2005年4月 - 2005年10月: 警察訓練學校 學警UI 66336 (學警雄心)

2005年11月 - 2007年5月: 油麻地軍裝巡邏小隊 (學警出更)

2007年6月 - 2007年9月: 入PTU受訓 (學警出更)

2007年10月 - 2009年1月: PTU BRAVO COMPANY 1 PLATOON (學警出更)

2009年2月 - 2009年7月: 特別職務隊/臥底 (學警狙擊)

2009年8月: 軍裝警察 (Laughing Gor之變節)

2009年9月 - 2011年3月: 特別職務隊/臥底 (學警狙擊)

2011年4月 - 2011年9月: 重案組/警察公共關係科;警察學校聯絡計劃 (點解阿SIR系阿SIR)

2011年10月 - 2014年2月: 西九龍重案組 (法證先鋒)

2014年3月 - 2014年6月: 特別任務連/反恐特勤隊 (叛逃)

2014年7月 - 2016年5月: 重案組/刑事調查隊/有組織罪案及三合會調查科 (忠奸人)

2016年6月 - 現在: 爆炸品處理課 (電影拆彈專家)

哇,唔唱K,呀唔系,系吳Sir至啱,你真系做足10年阿蛇個喎!

2005年4月 - 2005年10月: 警察訓練學校 學警UI 66336 (學警雄心)

11年前,仲系上緊位嘅吳卓羲同陳鍵鋒孖兄弟合作《學警雄心》,吳卓羲憑鍾立文一角奠定往後警察之路。

2005年11月 - 2009年2月: 油麻地軍裝巡邏小隊 (學警出更)

嚟到《學警》系列第二輯,就緊系要升一升職,當時吳卓羲飾演嘅鍾立文已經成為警察,之後仲入埋入PTU受訓!

2009年2月 - 2011年3月: 特別職務隊/臥底/調查科警長(學警狙擊)

《學警狙擊》系《學警》系列第三輯,呢輯可謂三輯之中最受觀眾賞識嘅一集,成功令謝天華飾演嘅Laughing Gor彈起,吳卓羲更進一步接受更危險嘅任務,假扮臥底潛入犯罪集團,最後升為調查科警長!

2011年4月 - 2011年9月: 重案組/警民關係組警察學校聯絡主任(點解阿SIR系阿SIR)

《學警》系列完咗,唔代表吳卓羲嘅警察生涯結束,喺《點解阿SIR系阿SIR》入面,佢飾演重案組督察,其後入學校查案,成為警民關係組警察學校聯絡主任。呢次成熟咗穩重咗,連地位都重要咗。

2011年10月 - 2014年2月: 西九龍重案組警長(SGT63251)(法證先鋒)

查完案後嘅吳卓羲喺《法證先鋒》入面飾演西九龍重案組警長,同下屬、任職高級督察嘅徐子珊有感情線。其實吳卓羲同徐子珊都系其中一對熒幕情侶。

2014年3月 - 2014年6月: 特別任務連行動組督察

3年後,吳卓羲喺《叛逃》榮升做行動組督察,仲搵返失散嘅大佬陳展鵬!

2014年7月 - 2016年5月: 重案組高級督察(忠奸人)

喺《中間人》入面,吳卓羲重操固技,出任臥底調查杜以鏗(李子雄)及高哲行(郭晉安)犯罪證據。去到呢個地步,吳卓羲已經唔系當初學警入面果位衝動少年。

2016年6月 - 現在: 爆炸品處理課 (電影拆彈專家)

離開TVB後,吳卓羲嘅警察之路仍然繼續,喺新戲《拆彈專家》任職爆炸品處理課。雖然吳Sir已經轉戰大銀幕,但都離唔開呢個警察框框。

當然啦,警員之路只系吳卓羲演藝生涯其中一部份,有時都做下機師、賽車手、普通市民、電車男等等,但最深入民心始終系做警!察!囉!


鍾意就快D Share啦!