組合Twins、周柏豪、鄭希怡（Yumiko）及雷琛瑜（J.Arie）等，於九龍灣亮相英皇電影《原諒他77次》開鏡禮，英皇集團主席楊受成亦現身支持。當中化身新娘子的J.Arie以婚紗上陣，舉步為艱的她屢獲同場盧巧音幫手挽裙。至於扮演姊妹的Yumiko於拋花球環節中一手接得花球後，轉身塞進旁邊阿Sa（蔡卓妍）手中，令阿Sa無奈直呼：「幻覺嚟架啫！」場面搞笑！
阿嬌向花球Say No
事後阿Sa與阿嬌（鍾欣潼）齊齊受訪，記者笑言恭喜阿Sa，她就笑說 ：「幻覺嚟！明明唔係我接到！（接受Yumiko好意？）搶花球四人當中有兩位係人妻，得番我同衛詩雅。（大家好想你拍拖？）好呀，多謝大家！」身旁阿嬌直言怕嫁不出，故不會再接花球：「聽講接咗後半年唔嫁人，就三年嫁唔出。我接咗兩次，時間洗禮得差唔多，唔可以再接。」
提到阿嬌日前揚言歡迎異性追求自己，她笑言冇人行動：「講吓啫，冇人行動。」問到阿Sa會否向阿嬌介紹男仔？她笑言自顧不暇：「我自己都未搞得掂，呢啲隨緣。」強調唔心急拍拖的阿嬌，笑言被老闆楊受成開口問有冇拖拍：「老闆問我有冇仔同有冇人追？我答冇呀。（老闆都有仔仔楊政龍？）人哋咁忙，老闆都叫我唔好，我會傷心架！」
阿Sa自爆有Mr.Right
阿Sa笑言大家毋須擔心她及阿嬌的姻緣，又笑指其Mr.Right正在前來：「Mr.Right搭緊車嚟！（坐電車？）電車都係車，電車都有總站。」問到阿嬌若找到真命天子會否介意閃婚？她說：「要相處夠，了解夠先。（要觀察好多年？）一年幾就得。Plan好晒都冇用，人哋唔嚟娶嘅話。」
阿嬌被問到拍攝該片的酬勞時？她笑言只收了利是，她又指片中角色造型相當搖滾：「由頭包到落腳，焗到我！我仲要揸電單車。（識揸車？）唔識呀。」而阿Sa則笑言今次推薦了好朋友參演：「片場仲遇到幼稚園同學！」
|
鍾意就快D Share啦！
|
|
|
