港姐張名雅將於下月9號喺洲際嫁畀律師蔡錦豪，預計擺30幾圍酒，對於婚禮嘅籌備，張名雅話已經搞得七七八八：「大家睇吓邊個做到就做啦，就快係人妻啦，所以要互相遷就啦，將來都會一齊面對好多問題嘅！」張名雅透露，佢嘅姊妹團名單包括爆佢婚訊嘅陳庭欣、何傲兒、唐貝詩、《體育世界》前主持李靄璣、何佩珉、譚凱琪：以及張名雅嘅圈外朋友Kelly、Angela同Vivian，張名雅話部份人係佢喺加拿大10幾年嘅朋友，亦有香港嘅朋友，雖然望落去啲名唔係個個識，但睇相之後發現個個都索。問佢怕唔怕啲靚姊妹搶鏡？張名雅回覆傳媒時話：「我哋啲兄弟姊妹一定有番咁上下，最緊要係大家都靚，只不過大家都話結婚嗰日新郎哥新娘子一定會係最靚嘅，主角嘛都冇話搶唔搶，都唔擔心呢嘢樣嘅。」張名雅被提到同大台仲有約，問佢呢排忙啲乜？「最近出盡兩套劇，（晚上）8:30同9:30，啲朋友都話成晚都見住我。之前就剛剛拍完《與諜同謀》，時間啱晒籌備婚禮。之後都係會拍劇，variety（綄藝節目）同出面啲MC同唱歌嘉賓騷。」
來源 source: http://hk.apple.nextmedia.com
|
鍾意就快D Share啦！
|
|
|
