一家四口都咁靚！點做到？！
45歲嘅女星洪欣早前同家人去旅行，喺網上大晒激罕三點式相，但亮點係佢樣貌同身材依然保養得宜，隨即成為全城熱話！
而今日係洪欣仔仔張浩鋒（前名莫鎬廉）嘅16歲生日，洪欣喺微博上載咗張溫馨到裂嘅全家福。雖然素顏上陣嘅洪欣依然索到爆，不過今次嘅亮點絕對唔係呢位靚媽，而係佢囝囝張浩鋒。
其實張浩鋒細細個嗰陣唔算特別靚仔，但經過十幾年嘅歲月洗禮，佢已經嘭一聲變咗位美少男，除咗皮膚白淨到爆，仲要眼圓圓兼鼻大大咁，簡單嚟講，真係同洪欣有99%相似，洪欣嘅美人基因真係強到冇朋友。
Sorry，講番正題，佢哋一家四口喺屋企為張浩鋒慶生，而洪欣囡囡張晞彤仲攬實哥哥兼作狀錫錫，場面溫馨到痺！洪欣仲留言話：「祝我的寶貝兒子生日快樂，希望你每天都快樂和健康，媽咪就安心了。」而視張浩鋒如己出的洪欣老公張丹峰，亦於微博分享與浩鋒合照，並寫下溫馨祝福謂：「『小林靜』已經長得跟粑粑（指爸爸）一樣高最幸福的事，就是看著（着）你一天天長大，希望你平安快樂，我永遠是你最堅實的臂膀，生日快樂大寶貝。」
來源 source: http://hk.on.cc
|
鍾意就快D Share啦！
|
|
|
