33歲苟芸慧近日喺大台冇咩工開，加上前年甲狀腺出事，身形肥咗少少，苟姑娘同大台申請停工半年休息，今日有周刊爆，原來苟姑娘最近成功泊碼頭，同生意人陸佑後人陸恭和拍拖，佢仲戀愛大過天，早前曾同朋友搞連鎖點心店老闆，最近要mark筍盤，最終因懶散被大股東踢走。據報道指，苟姑娘今年2月已力攻陸恭和，被影到當日悉心打扮，飯後由陸恭和送佢返屋企，近排二人感情升溫！苟姑娘日前去銅記行街，由陸恭和做司機揸Benz接送，上車時苟姑娘發現有記者在場，先揸車過海，喺尖沙嘴放低苟姑娘，陸恭和就戴超開車走，苟姑娘就上咗早前有份投資嘅食肆，不過佢就冇行入去，反而去咗附近一間時裝店，同店員傾咗幾句就行後門走人，據知二人係朋友介紹認識。有傳連鎖點心店大股東之一嘅陳君宜(Qinnie)好老友，Qinnie亦都有介紹一啲有米生意朋友畀苟姑娘認識，知情者向報道講，苟姑娘開始為將來着急，唔理對方已婚定單身都係咁放電，搞到啲阿太怕咗。就住呢件事，苟姑娘透過短訊回覆傳媒查詢時表示：「我就不回應私人問題喇，專心做接落下來slimming工作，下星期就開始。」而Qinnie就透過電話回覆：「係少嚟咗，可能佢有時忙，咁我哋唔會除咗佢個名（股東），大家都係朋友，關係唔想搞到咁差。」
來源 source: http://hk.apple.nextmedia.com
|
鍾意就快D Share啦！
|
|
|
