掃呢頁CODE去手機

2016年8月18日 星期四

姣掂陸佑後人陸恭和 偷懶苟芸慧被踢出點心店 [壹週刊 - 1380] __,苟芸慧,M1,

探熱針姣掂陸佑後人陸恭和 偷懶苟芸慧被踢出點心店前年甲狀腺出事後,苟芸慧受病情困擾接近半停工,事業停滯不前,33歲的苟姑娘開始為自己將來着急,主動出擊多時,近日終於發市,姣掂有米陸佑後人陸恭和。據了解,去年自爆有份做連鎖點心店老闆的苟芸慧,近月來因為顧住mark實筍盤,連由她負責po相推廣宣傳的簡單工作,亦置之不顧,懶散又零貢獻,最終被大股東踢出局。賽車結緣工作量買少見少,大把時間拍拖的苟芸慧,日 ...


探熱針

姣掂陸佑後人陸恭和 偷懶苟芸慧被踢出點心店

前年甲狀腺出事後,苟芸慧受病情困擾接近半停工,事業停滯不前, 33歲的苟姑娘開始為自己將來着急,主動出擊多時,近日終於發市,姣掂有米陸佑後人陸恭和。

據了解,去年自爆有份做連鎖點心店老闆的苟芸慧,近月來因為顧住 mark實筍盤,連由她負責 po相推廣宣傳的簡單工作,亦置之不顧,懶散又零貢獻,最終被大股東踢出局。

賽車結緣

工作量買少見少,大把時間拍拖的苟芸慧,日前被發現有司機揸 Benz接送到銅鑼灣「濕平」,在百德新街附近一帶巡完一圈,已經黃昏七點,負責接載她的 Benz校啱時間,停在 HMV門口,讓苟姑娘上車。

不過,當日管接管送苟姑娘的柴可夫,並非普通司機,而是富貴生意人陸佑後人陸恭和。據了解,二人由朋友介紹認識後,心急搵碼頭的苟姑娘隨即主動出招勁 mark實。

前度有已為人妻的官恩娜和應采兒的陸恭和,向來愛與圈中女星交往,進取的苟姑娘雖然肥咗啲,但樣靚加上性格溫柔,對仍是單身的他,一樣有吸引力。自今年初,陸恭和開始經常帶朋友幫襯苟姑娘的點心店,由於二人同愛賽車有偈傾,來往亦變得頻密。

苟姑娘上車後,因為發現有記者跟住,原該和苟姑娘有下場的陸恭和,即開行 turbo,左穿右插直奔紅隧過九龍,在尖沙咀 The ONE停低車,陸恭和九秒九戴上黑超,等苟姑娘落車後,即踩行油開車走。

在銅鑼灣濕平完,陸恭和校啱時間在 HMV門口接苟姑娘。

陸恭和揸車送苟姑娘到「 The ONE」,她經過點心店卻沒有入去,反而到對面鋪的時裝店跟職員吹水。

3月 po完點心店新推的「醜比頭」後,就再冇繼續宣傳。

走後門鬆人

入夜仍然戴住黑超的苟姑娘逕自走入商場,記者問她是否返點心店巡鋪,她說:「你哋(指記者)咁好嘅,陪我返工。」但她卻過門不入點心店,反而走入對面的時裝店,跟店員搭住膊頭傾了一陣,苟姑娘便走後門鬆人。

「其實苟姑娘唔係點心店老闆,只係同 Qinnie(陳君宜)熟,好好姊妹,呢兩年因為病冇嘢做,佢成日喺 Qinnie面前呻自己冇收入;所以埋班搞點心店嗰陣, Qinnie特登搵啲位俾佢賺啲錢,苟姑娘唔使攞錢出嚟,只係幫手宣傳,喺 ig放相做訪問幫鋪頭做推廣。

「舊年佢同莊思敏鬧晒交,苟姑娘話自己係股東,莊思敏又話唔知佢有份,最後都係 Qinnie出面㩒住,佢唔想影響食肆形象,所以出聲勸大家一齊收聲。」知情者說。

2月

苟姑娘開始力攻陸恭和

2月,苟姑娘被拍到同陸恭和在「點心代表」食飯,刻意打扮的苟姑娘電力十足,飯後陸恭和送她回家。

未脹爆前的苟姑娘,被封為新一代女神,連合作過的城城也嗒糖。

跟苟姑娘同樣愛賽車的富三代陸恭和,是馬來西亞錫礦大王陸佑後人,家族生意遍及各地。母親為聖安娜餅店創辦人,他也是多間公司董事。

亂放電惹投訴

Mark到有米體貼的陸恭和後,恃住有筍盤揸手,苟姑娘開始對點心店的工作懶懶閒,三月開過 po幫鋪頭宣傳蛋黃哥後,便一直未有其他 po。

「其實幾個月前 Qinnie已經放棄,因為每次叫親苟姑娘幫手 po嘢,佢完全唔理又唔做, Qinnie自己係大股東之一,但一場朋友,佢都冇點投訴。不過有班有米生意朋友,佢哋啲老婆就好有意見,鬼咩!苟姑娘識咗 Qinnie班朋友後,都唔理對方有老婆定單身,都係咁放電,搞到班阿太驚晒! Qinnie而家都好少約佢同呢班朋友一齊玩,免得惹麻煩。」知情者說。

隔空罵戰後,二人以做好食店生意為目標,在台慶夜頭貼頭合照扮 friend。

投資七位數入股的莊思敏,在 IG經常更新點心店菜式力谷。

去年中,未 out出局的苟姑娘經常在 IG po點心店相,出晒力宣傳。



心急搵新朋友,苟姑娘早前特登飛台灣,由朋友介紹認識名嘴吳宗憲(左一)。

本來跟朱璇好姊妹,苟姑娘卻瞞住她私下約對方男友湯珈鋮見面,因而反晒面,嬲爆朱璇至今仍取消關注她的 IG。

邊個係老闆

去年中,苟芸慧自稱是好友、前名模陳君宜有份佔大股的「點心代表」餐廳股東之一,又經常被拍到巡鋪和落手招呼客人,但之後卻遭到餐廳另一老闆,投資了七位數的莊思敏公開質疑。事後苟芸慧稱自己是九月入股,但唔係佔大股,只想合作唔想有是非,又強調合作愉快,但之後二人仍隔空互寸,最終要陳君宜出手擺平。

苟姑娘在 IG反擊莊思敏,指「若無其事」是最好證明。

苟姑娘跟陳君宜老友,都是賽車發燒友。

心急上岸

瘦唔番的苟芸慧,近年對演藝工作懶懶閒,但對搵歸宿就好上心,更會勇猛出擊,鎖正目標亦是城中筍盤;但送上門唔吃香,十居其九食白果。

巫翊鳴

讀法律的清洪契仔巫翊鳴話晒係夜店老闆,又有契爺撐腰,票面條數已夠靚。為接近獵物,苟芸慧預先收定風,對方出席的活動,她都如影隨形,必到,自製緣分遊戲,故而傳出巫翊鳴追求,嚇到對方要避開。

湯珈鋮

資深女演員徐楓之子、湯臣集團接班人湯珈鋮,家底厚,屬鑽石級筍盤。跟苟芸慧好姊妹朱璇拍拖多年,苟姑娘竟背住好友,採取電話攻勢偷襲。事敗後,朱璇嬲到割席,連 IG都冇再 follow她。

撰文、攝影、攝錄:娛樂組


鍾意就快D Share啦!