2016年8月18日 星期四

【動畫】【身家過億】32歲富婆李彩華Cute look重拾少女心 脹爆何遠恒光速彈開 __,何遠恒,李彩華,

32歲「小背心」李彩華(Rain),近年轉戰大陸拍劇,吸金力強,有傳o依家已經有4層樓兼身家過億。由負資產到億萬富婆,Rain事業順風順水,不過感情運就唔多爭氣;直至3年前,有傳Rain秘撻過氣「新五虎」何遠恒,仲俾傳媒影到男方登當入室入李家,不過富婆Rain就死口話只係朋友關係。3年過去,圍住Rain身邊氹氹轉嘅,依然係呢位何生,二人除咗早排孖住去澳門睇黎明演唱會,日前下晝4點,記者又見佢哋喺銅 ...




其他影片:>>






32歲「小背心」李彩華(Rain),近年轉戰大陸拍劇,吸金力強,有傳o依家已經有4層樓兼身家過億。由負資產到億萬富婆,Rain事業順風順水,不過感情運就唔多爭氣;直至3年前,有傳Rain秘撻過氣「新五虎」何遠恒,仲俾傳媒影到男方登當入室入李家,不過富婆Rain就死口話只係朋友關係。3年過去,圍住Rain身邊氹氹轉嘅,依然係呢位何生,二人除咗早排孖住去澳門睇黎明演唱會,日前下晝4點,記者又見佢哋喺銅鑼灣百德新街出現。當時Rain單拖喺車上面玩緊電話,過咗10分鐘後,就連人帶車去附近一間酒店往接何遠恒。上咗車之後,再駛去中環長江泊車。話晒中環人多車多,Rain當然要補補妝,畫番個樣先落車。16歲入行、喺圈中打滾16年嘅Rain,衣着品味向來都比較獨特,佢當日個look,黑色單膊工人褲、shocking pink T裇,螢光綠平底鞋,加埋頭上嗰頂「卡娃伊呢」嘅米老鼠帽,徹徹底底出賣佢嘅少女心。拍埋脹咗幾個碼嘅「Uncle何」身邊,少女Rain當堂回春!之後佢哋兩個喺中環行街,Rain全程頭耷耷。行到置地附近,Rain就去咗整頭做colour,約兩、三個鐘頭之後,兩人再合體,未幾發現記者,二人誇張光速彈開,一個上斜路,一個匿入後巷。雖然分開行,但就keep住㩒電話,似係約緊喺邊會合。男未婚女又未嫁,做咩事咁驚豬?Rain之後接受《蘋果》訪問就話:「哦!冇呀!嗰日去咗整頭,做colour之嘛!之後約咗啲friend食飯。我不嬲打扮都好young,我啲friend都叫我『百變小公主』,不過工作嘅時候梗係要有style啲,其實我都好young㗎!」咦!冇解釋點解咁閃縮喎!不過據知,何遠恒o依家做緊有關高智能科技嘅建築行業,聽個名好似好好搵咁噃!其實李彩華已經到咗適婚年齡,問佢有冇結婚嘅打算?佢就話:「真係冇喎!0依家大家都好忙,有得忙梗係忙咗先係咪先!正如我所講天主已經安排好所有日子,等佢安排」

採訪、攝影:潘冠恩、吳耀輝 何遠恒一向都做跟得男友 香港人多車多線眼多,所以佢兩個都冇拖手。
拍拖都有段隔離 一見到記者分頭走 李彩華先去攞車
最後由何遠恒揸車走

鍾意就快D Share啦!
Related Posts Plugin for WordPress, Blogger...