陳法蓉（Monica）同好姊妹朱茵最近到西藏拉薩拍攝大陸電影《駐藏大臣》，喺西藏高原拍攝期間，陳法蓉因高山反應，要停工留喺醫院檢查，當時佢喺微博報平安，話高山反應唔同高山症，叫粉絲唔使擔心。但事隔幾日，陳法蓉凌晨再更新微博，指自己嘅高山反應反覆出現，而最嚴重嘅係，原來法蓉喺上個星期四(25日)，更試過休克，要全面停工。佢留言話：「很高興有份參與電影《駐藏大臣》，並有機會來到西藏這片神奇的土地，到處風光如畫～～～～奈何我反覆出現高山反應，8月25日出現休克，全面停工休息。原定8月30至9月2日兩個活動已經決定不能出席，僅此表示十二萬分歉意！在此感謝駐藏大臣製片人及導演的體量和關心！我將會好好休息，然後以最健康狀態出現，我會繼續報平安，大家不要擔心！」陳法蓉更喺微博貼上瞓喺牀上打點滴嘅相，相信要休息一段時間，先可以再復工！《蘋果》今日問過陳法蓉經理人若蘭，佢就話陳法蓉目前要停工，劇組對佢好好，畀佢返港休息，若蘭又指陳法蓉喺上周四曾休克幾分鐘，返港做咗身體檢查，情況已好轉，遲啲先返去再開工。
來源 source: http://hk.apple.nextmedia.com
|
鍾意就快D Share啦！
|
|
|
