鍾嘉欣BB生BB了！恭喜晒恭喜晒！至於舊愛伍允龍，據聞亦已經搵到新歡——《城寨英雄》嘅劉佩玥。恭喜晒恭喜晒！今晚伍允龍同疑似新歡劉佩玥，聯同陳展鵬、胡定欣、袁偉豪及王君馨等，齊集將軍澳出席宣傳。俾陳瀅踢爆劉佩玥拖伍允龍見姊妹嘅呢一對，今日落落大方見傳媒，亦不避嫌影合照，態度親暱。問伍允龍可知舊愛係咪生咗？佢就唔想多講：「唔清楚，如果係真嘅，絕對恭喜佢﹗God bless佢同佢屋企人。生BB係喜事，值得祝福。」伍允龍強調同鍾嘉欣一直都係朋友，間中都有聯絡，早前佢去加拿大拍戲嗰陣，都有同鍾嘉欣互sent短訊問候。咁會唔會聯絡嘉欣親自恭賀佢？伍允龍話：「如果係真嘅，等佢休息一陣，等佢主動聯絡我，我先至問候佢啦。」講完舊愛，講下新歡劉佩玥。伍允龍只係話佢都好想有一日成家立室，但仲未遇到對象。咁日前又同劉佩玥出席姊妹聚會嘅？伍允龍澄清嗰個係一個公開party，而非傳聞中嘅私人聚會。劉佩玥都否認同伍允龍拍拖，仲講笑咁話：「我驚佢武藝高強會搞到家暴！」咁你咪又學下功夫囉。同場仲有鍾嘉欣好姊妹兼處女黨成員王君馨，佢同眾姊妹一樣都封嘴︰「係咪真0架(嘉欣生咗)？第一，我仲未睇到相；第二，佢真係冇同我哋講；第三，如果係真嘅，我會替佢開心。嘉欣好喜歡家庭同小朋友，如果佢真係生咗，應該會再生多3個，因為她想生夠四大天王。」咁呢胎係仔定女？孑王君馨繼續口密：「仔女佢都鍾意，希望9月中可以去加拿大探佢啦。」
|
鍾意就快D Share啦！
|
|
|