唔想再喊喇！
《城寨英雄》進入結局篇，劇情一日催淚過一日，尋日「朝霞」（王君馨飾）一死，個個劇迷齊齊哭喪，君馨仲即時「朝霞」上身，寫咗三封信畀哥哥「拳佬」（陳展鵬飾）、阿嫂「刁蘭」（胡定欣飾）同埋「牙佬」（袁偉豪飾），內容勁洋蔥！
而啱啱播出嘅一集，又係勁催淚，「貓仔」（伍允龍飾）求婚不成畀人打死，最終死喺愛人「柯德莉」（劉佩玥飾）懷中，勁感動，個個睇完喊到收唔到聲！之後劉佩玥學王君馨，即時柯德莉上身寫信畀貓仔，仲自封太太添！
內容如下：
「親愛的貓仔，
你在天上過得好嗎？有找到daddy和狗仔拳佬嗎？
有想我嗎？
戒指我帶上了，真的帶上了，一輩子也會帶着。我跟呀咩過得很好，她好疼我，像當天疼你一樣。感激老天爺讓我這輩子遇上你，如果沒有遇上你，我的天空是如此狹窄空白。如果沒有愛上你，我的生命是那麼平淡乏味。
就讓我們的一切一切在回憶中延續下去，因為我會記得。
我會記得你第一天如此嚴肅沒動沒笑沒聽話，
我會記得你拼了命在森林救我為我擋子彈，
我會記得你對抗命運無畏無懼的勇氣，
我會記得你為爸爸流的每一滴血，
我會記得你為我每次挺身而出，
我會記得你害羞拖着我的手，
我會記得你那緊緊的擁抱，
我會記得你的每分每秒，
我會記得我們的笑容，
我會記得你的傻氣，
我會記得你的愛。
記得你。
我愛你，為了你，我會好好的生存下去。
我們一定會再見的，一定會。
愛你的太太 德莉上」
德莉！你畀我休息吓，呢兩日啲眼淚冇停過呀，大家再係咁喊落去都唔係辦法！而貓仔都有喺ig留言：「德莉，呀咩，貓仔世上最愛就是你們。好好活下去！」
來源 source: http://hk.on.cc
|
鍾意就快D Share啦！
|
|
|