「期待今晚睇城城演唱會！！覺得興奮！！！」梁振英嘅寶貝女梁齊昕，今午喺fb事先張揚會去紅館睇城城個唱。Sosad，頭先齊昕佢……喺場外又……仆親。喺8點30分，由司機車梁齊昕去到紅館睇郭富城嘅演唱會，但佢去到現場就唔肯落車住，搞到警察嚟到話佢阻塞交通，仲叫佢一係落車，一係走。記者問梁齊昕係唔係城城fans，佢就話：「係啊，2012年開始睇佢，今次同朋友嚟睇。」又問記者可唔可以帶水入場，期間佢嘅司機仲落車同齊昕合照，梁齊昕仲向記者介紹呢個係佢嘅司機。講咗咁耐，梁齊昕一直喺車上。過咗一陣，梁齊昕終於落車，一落車行唔夠十步，就作個人仆咗喺街……見記者在影相，即問大家點解唔扶起佢而只係影相。記者即上前扶佢起身，紅館嘅工作人員亦上前幫忙。只見梁齊昕右腳流血，工作人員帶佢去正門，搵急救人員幫佢急救，之後就冇見梁齊昕出嚟，估計由特別通道入咗場館。
| 採訪、攝影：黃曉程、羅德光、朱志聰 | | |
| | | |
| |
來源 source: http://hk.apple.nextmedia.com
|
鍾意就快D Share啦！
|
|
|