【短片】【獨家】為朱凱迪拍宣傳片助選 黃翠如五妹勁有仙氣
2016-09-15 02:39:00 HKT
朱凱迪早前上載咗條名為《狐狸先生，幾多點？》短片助選，而女主角翠如BB五妹Ellen
楊秀卓老師
笑起上嚟同翠如BB有8成似
「票王」朱凱迪
翠如BB當年嘅清澀look
黃家姊妹
黃翠如曾經因為17歲嘅時候，喺《鏗鏘集》以一個中六預科學生身份，講五四運動、六四運動，嗰陣佢語帶哭音兼好無奈話：「呢種感覺…我哋好傷心。你見到不斷咁有人死，死傷嘅人係無數。自己嘅軍隊，將自己國家未來嘅棟樑一個一個咁殺死，佢哋應該反思番以前五四運動發生啲乜嘢，唔應該再俾呢個歷史，再循環返嚟。」唔少人因為呢番說話，而封黃翠如做敢言女神。
估唔到敢言嘅唔止係黃翠如一個，噚日有讀者張先生報料，以高票當選新界西立法會議員嘅朱凱迪，一直以嚟都得到好多朋友嘅支持，而黃翠如嘅五妹Ellen，原來都有份幫朱凱迪拍咗條短片《狐狸先生，幾多點？》(YouTube連結: http://bit.ly/2cI8746 )。片中的狐狸先生，是著名視藝科老師楊秀卓先生——一頭長長銀髮，特立獨行的楊秀卓，從藝術界轉投教育界，再涉足電影，作品包括講述菜園村、從而反思發展與保育問題的獨立電影《1＋1》及《N+N》等等。
張先生話呢片有好多人睇過，不過唔係好多人知道呢個故事：「Ellen係一個好低調嘅女仔，從來唔會自稱係『黃翠如個妹』，片中嘅導演小野同佢多次合作，攝影師羅豆都讚佢係難得一見，令人好想同佢影相嘅仙氣女神。」
查實呢條片上載咗去朱凱迪嘅fb嗰陣(fb連結: http://bit.ly/2bMxkb7 )，已經有人留言覺得女主角個樣好似黃翠如，呢條片嘅瀏覽人數高達45萬，亦超過2萬人留言、讚好同轉發，唔少網民直言為片中一句說話「應承我，唔好放棄，除非你敢講一句，你對一切已經再無感覺」而感動，有人仲留言叫朱凱迪加油，叫佢唔好放棄。
介紹番，黃翠如五妹Ellen，全名黃曉琪（Wong Hiu Ki），修讀中大藝術系，今年仲啱啱畢業。噚日《蘋果》曾經搵過Ellen，希望可以了解多啲呢件事，但係佢話：「唔好意思，我唔想做訪問，byebye！」就匆匆收線，之後喺Ellen嘅ig，見佢貼咗一張短片嘅cap圖，留言寫上朱凱迪3個字，似乎一切盡在不言中。
而家姐黃翠如對於阿妹為朱凱迪拍片助選回覆傳媒謂：「家人的每一個決定，我都會尊重，我愛他們，只要他們做自己喜歡做的事，我都支持，每個人都有權選擇自己的路和方向。」
|
鍾意就快D Share啦！
|
|
|
