有指莊端兒受公司壓力，戀情一度被迫由公開轉地下。
娛樂偵訊
地下情重浮面 莊端兒 Steven拍住拖幫羅霖湊仔
早前出寫真，擁有 35D巨咪的莊端兒（ Xenia），與張致恒（ Steven）拍拖兩年一直高調，直至今年初因一度傳女方為事業狠撇男友，但事實是女方遭受施壓，與男友 Steven被迫轉做地下情。
不過近日二人再次拍拖斷正，孖住幫羅霖湊仔，拖手行超市，十足小夫妻一樣，被禁的戀情，要浮番上面。
被迫食死貓
35D莊端兒與 Steven，由公開戀情到今年轉為地下情，據悉是因為女方簽給諸葛紫岐的娛樂公司後，受壓將戀情低調。之後莊端兒與澳門猛人洗米華因一張合照而無辜傳出緋聞，欲否認的莊端兒竟被禁澄清。
「 Xenia其實唔想轉地下情，但公司俾好大壓力， fb同 ig都嚴禁放合照，後來仲被轉移視線，無厘頭傳佢同洗米華， Xenia唔想食死貓，好想澄清但俾人阻止，嗰次佢好唔開心。」知情者說。
拍拖湊仔
與 Steven「被假分手」，但紙包唔住火，繼早前兩人被發現在銅鑼灣拖手行街，月初本刊亦發現兩個湊住羅霖細仔 Jonathan在九展玩跳彈床，同行仲有 model雪子及男友人。莊端兒不時攞住手機，幫教 Jonathan跳彈床的 Steven影相。擁有 35D的她，上圍負擔重，故偶而跳兩下都相當震盪。
男友埋單
跳足個半鐘，羅霖細仔由傭人帶走，莊端兒則偕男友 Steven及兩友人去醫肚。雖被迫轉到地下情，但不想就範的他們似乎唔理咁多， Steven沿途都搭住女友膊頭行街，將戀情浮番上面。
醫完肚大家散 band，變番二人世界的他們拖住手行超市，雖然莊端兒有幾層北角豪宅揸手，有米到爆，但當日無論食飯抑或去超市入貨，埋單責任還是由近年在大台多咗演出機會的 Steven負責。重新將女友私有化，三十一歲 Steven，梗係要擔起拍拖消費！
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
